વાંકાનેરના ગારીડા નજીક પોતાની જ ઇકો ગાડીમાં ઝેરી દવા પી ગયેલ યુવાનનું સારવારમાં મોત

વાંકાનેર બાઉન્ડ્રીથી વાંકાનેર તરફ આવવાના રસ્તે ગારીડા ગામની સીમમાં ઇકો ગાડીમાં યુવાને પોતે પોતાની જાતે ઝેરી દવા પી લીધી હતી જેથી કરીને તેને ઝેરી અસર થઈ હતી માટે તેને રાજકોટની ખાનગી હોસ્પિટલમાં સારવાર માટે લઈ ગયા હતા અને ત્યાં સારવાર દરમિયાન તે યુવાનનું મોત નીપજયું હતું જેથી આ બનાવની હોસ્પિટલ મારફતે વાંકાનેર તાલુકા પોલીસને જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે

બનાવની જાણવા માહિતી મુજબ ચોટીલાના પોપટપરા કનૈયા હોટલની સામેના ભાગમાં રહેતા વિજયભાઈ રાજુભાઈ સરવૈયા જાતે કોળી (24) નામના યુવાને વાંકાનેર બાઉન્ડ્રીથી વાંકાનેર તરફ આવવાના રસ્તે ગારીડા ગામની સીમમાં નેશનલ હાઇવેની બાજુમાં પોતાની ઇકો ગાડી નંબર જીજે 13 સીએ 4913 ઉભી રાખીને પોતે પોતાની જાતે કોઈપણ કારણોસર ઝેરી દવા પી લીધી હતી જેથી કરીને તે યુવાને સારવાર માટે રાજકોટના કુવાડવા રોડ ઉપર આવેલ ગિરિરાજ હોસ્પિટલ ખાતે લઈને આવ્યા હતા અને ત્યાં ડોક્ટરે તેને જોઈ તપાસીને મૃત જાહેર કર્યો હતો અને ત્યારબાદ આ બનાવની હોસ્પિટલ મારફતે વાંકાનેર તાલુકા પોલીસને જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે અને મૃતક યુવાને કયા કારણોસર આપઘાત કરેલ છે તે દિશામાં હવે વાંકાનેર તાલુકા પોલીસ સ્ટેશનના ડી.એ.જાડેજા દ્વારા આગળની તપાસ હાથ ધરવામાં આવી છે

બાળક સારવારમાં

મોરબી તાલુકાના લુટાવદર ગામે રહેતો તેજસ ભરતભાઈ સિંધવ (15) નામનો બાળક શાળાએથી ઘરે પરત જઈ રહ્યો હતો ત્યારે ગામના પાટીયા પાસે અજાણ્યા બાઇક ચાલકે તેને હડફેટે લેતા અકસ્માત થયો હતો જેમાં તે બાળકને ઈજા થઈ હોવાથી ઇજાગ્રસ્ત હાલતમાં તેને સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવવાની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ ફિરોજભાઈ સુમરા દ્વારા કરવામાં આવી હતી