મોરબી જિલ્લામાં દારૂની ચાર રેડ: 31 બોટલ દારૂ-20 બિયરના ટીન કબજે કરતી પોલીસે
SHARE
JOIN OUR GROUP
મોરબી જિલ્લામાં દારૂની ચાર રેડ: 31 બોટલ દારૂ-20 બિયરના ટીન કબજે કરતી પોલીસે
મોરબી જિલ્લામાં જુદીજુદી ચાર જગ્યાએ દારૂની રેડ કરી હતી ત્યારે 31 બોટલ દારૂ અને 20 બીયરના ટીન કબજે કરેલ છે અને સ્થાનિક પોલીસ સ્ટેશનમાં ગુના નોંધીને પોલીસે આગળની કાર્યવાહી કરેલ છે.
મોરબી જીલ્લામાં દારૂની જુદીજુદી જગ્યાએ રેડ કરી હતી જેમાં હળવદના જોગડ ગામની સીમમાં રેવાભાઈ ગોરધનભાઇ કોળીની વાડીમાંથી વિદેશી દારૂની 24 બોટલ અને બિયરના 20 ટીન મળ્યા હતા જેથી કુલ મળીને 9200 ના મુદ્દામાલ સાથે આરોપી મૂળ છોટા ઉદેપુરના વતની કીર્તન ભીલ નામના ખેત મજૂરની ધરપકડ કરી હતી. જ્યારે મોરબી એ ડિવિઝન પોલીસે નગર દરવાજા પાસે મામૂજી વાળી શેરીમાંથી દારૂની 4 બોટલ સાથે આરોપી અવેશ ગફારભાઈ પીલુડિયા રહે.વીસીપરા વાળાની ધરપકડ કરીને 2,244 નો મુદામાલ કબ્જે કરેલ છે. જ્યારે માળીયા (મી) પોલીસે ઓનેસ્ટ ચેકપોસ્ટ પાસેથી દારૂની બે બોટલ સાથે આરોપી ફારૂક ફકીરમામદ રાઉમા રહે. ફતેપર વાળાને પકડ્યો હતો અને તેની પાસેથી બાઇક સહિત કુલ મળીને 51,372 નો મુદ્દામાલ કબજે કરેલ છે. આવી જ રીતે માળીયા (મી) પોલીસે ઓનેસ્ટ ચેકપોસ્ટ પાસેથી પસાર થતાં ટાટા હેરિયર ગાડી પસાર થઈ રહી હતી તેને રોકીને ચેક કરી હતી ત્યારે ગાડીમાંથી એક બોટલ દારૂ મળી આવેલ હતો જેથી કરીને પોલીસે આરોપી રાજેન્દ્ર હરિરામ દેવાસી રહે. રાજસ્થાન અને ખુશાલ હીરાલાલ જોશી રહે. વડોદરા વાળાની ધરપકડ કરી હતી અને દારૂ તેમજ કાર મળીને 15 લાખથી વધુનો મુદામાલ કબજે કરેલ છે.
