મોરબીમાં જૂની અદાવતનો ખાર રાખીને યુવાનને ત્રણ શખ્સોએ મારમાર્યો: છરી બતાવીને મારી નાખવાની ધમકી

મોરબીમાં સબ જેલની પાછળના ભાગમાં બાલમંદિર પાસેથી પસાર થઈ રહેલા યુવાનને જૂની અદાવતનો ખાર રાખીને બે શખ્સોએ ગાળો આપી હતી ત્યારે યુવાને ગાળો આપવાની ના પાડતા ઉશ્કેરાઈ ગયેલા શખ્સોએ તેની સાથે ઝપાઝપી કરી હતી અને ત્યારબાદ તેને લોખંડના પાઇપ વડે માર માર્યો હતો અને યુવાનને છરી બતાવીને જાનથી મારી નાખવાની ધમકી આપી હતી જેથી ભોગ બનેલ યુવાને સારવાર લીધા બાદ હાલમાં મોરબી એ ડિવિઝન પોલીસ સ્ટેશન ખાતે ત્રણ શખ્સોની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે.

જાણવા મળતી માહિતી મુજબ મોરબીમાં આવેલ વાંકાનેર દરવાજા પાસે આવેલ બ્રાહ્મણની ભોજન શાળા પાસે મકરાણીવાસમાં રહેતા તોસીફભાઇ ઉર્ફે ચકો મહેબુબભાઇ બ્લોચ (27)એ હાલમાં મુસ્તુદાદુભાઇ દાવલિયા અને તોફીકભાઇ રફીકભાઇ મકરાણી રહે. બંને મકરાણીવાસ તેમજ અનવરભાઈ મુસાભાઇ કુરેશી રહે. નાની બજાર મોરબી વાળા સામે ફરિયાદ નોંધાવેલ છે જેમાં તેને જણાવ્યુ છે કે, તે મોરબી સબજેલની પાછળના ભાગમાં આવેલ બાલમંદિર પાસેથી પસાર થતો હતો ત્યારે મુસ્તુદાદુભાઇ અને તોફીકભાઇએ જૂની અદાવતનો ખાર રાખીને તેને ગાળો આપી હતી ત્યારે ફરિયાદી યુવાને ગાળો આપવાની ના પાડતા આરોપીઓ ઉસકેરાઈ ગયા હતા અને તેની સથે જપાજપી કરી હતી ત્યારે અનવરભાઈએ લોખંડનો પાઇપ લઈ આવીને ફરિયાદીને ડાબા હાથ અને પગના ભાગે મારમાર્યો હતો તેમજ તોફીકભાઇએ છરી કાઢીને ફરિયાદીને બતાવીને જાનથી મારી નાખવાની ધમકી આપી હતી જેથી ભોગ બનેલ યુવાને સારવાર લીધા બાદ મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે.