મોરબી શહેર-તાલુકા અને જબલપુરમાં હાર્ટ એટેકથી બે યુવાન અને એક આધેડનું મોત
Morbi Today
મોરબીના વનાળીયા ગામે વાડીની ઓરડીમાં જુગાર રમતા પાંચ શખ્સો 34,200 ની રોકડ સાથે ઝડપાયા
SHARE
JOIN OUR GROUP
મોરબીના વનાળીયા ગામે વાડીની ઓરડીમાં જુગાર રમતા પાંચ શખ્સો 34,200 ની રોકડ સાથે ઝડપાયા
મોરબીના વનાળીયા ગામે વાડીની ઓરડીમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી પાંચ શખ્સો જુગાર રમતા મળી આવ્યા હતા જેથી પોલીસે 34,200 ની રોકડ સાથે તેની ધરપકડ કરીને તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
મોરબી જિલ્લા એલસીબીની ટીમ પેટ્રોલિંગમાં હતી ત્યારે મોરબીના વનાળીયા ગામની સીમમાં આવેલ ગણેશભાઈ ગંગારામભાઈ દેકાવાડિયાની વાડીની ઓરડીમાં જુગાર રમતા હોવાની હકીકત મળી હતી જેને આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા અભરામભાઈ મુસાભાઇ લૂઢર રહે. વનાળીયા, યુનુસભાઇ હાજીભાઈ કાળા રહે. વનાળીયા, પ્રજ્ઞેશભાઈ ગોવિંદભાઈ પરમાર રહે. નવા સાદુળકા, મગનભાઈ ભુરાભાઈ વીરસોડીયા રહે. લક્ષ્મીનગર અને ભરતભાઈ પરબતભાઈ અમૃતિયા રહે. દરબારગઢ પાસે સ્વામિનારાયણ શેરી મોરબી વાળા મળી આવ્યા હતા જેથી તેની પાસેથી 34,200 ની રોકડ કબજે કરી હતી અને મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધીને પોલીસે આગળની કાર્યવાહી હાથ ધરી છે
અકસ્માતમાં ઇજા
મોરબીના ઘૂટું ગામ પાસે આવેલ નવસર્જન સ્કૂલની પાછળના ભાગમાં યોગેશ પાર્કમાં રહેતા સોરીયા નરસીભાઈ ગોવિંદભાઈ (60) નામના વૃદ્ધને કાર ચાલકે હડફેટે લેતા અકસ્માત થયો હતો અને અકસ્માતના બનાવમાં તેઓને ઈજા થઈ હોવાથી સારવાર માટે તેને હોસ્પિટલે લઈ ગયા હતા અને આ બનાવની તાલુકા પોલીસને જાણ કરવામાં આવી હતી
મારા મારીમાં ઇજા
મોરબીના જુના ઘૂટું રોડ ઉપર આવેલ સનવર્લ્ડ સિરામિક કારખાના પાસે રહેતા યોગેશ દેવાભાઈ ગુર્જર (22) નામના યુવાનને મુકેશભાઇ નામના શખ્સને લોખંડના સળિયા વડે માર માર્યો હતો જેથી તેને ઈજા થઈ હતી માટે યુવાનને સારવારમાં મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરવામાં આવી હતી.
