વાંકનેરમાં ઘરમાંથી દારૂની નાની-મોટી 10 બોટલ- બિયરના 15 ટીન સાથે એક પકડાયો, માલ આપનારની શોધખોળ
SHARE
JOIN OUR GROUP
વાંકનેરમાં ઘરમાંથી દારૂની નાની-મોટી 10 બોટલ- બિયરના 15 ટીન સાથે એક પકડાયો, માલ આપનારની શોધખોળ
વાંકાનેરમાં આવેલ મિલ સોસાયટીમાં રહેતા શખ્સનાં મકાનમાં દારૂ હોવાની બાતમી મળી હતી જેથી પોલીસે ત્યાં દારૂની રેડ કરી હતી ત્યારે દારૂની નાની-મોટી 10 બોટલ તેમજ બિયરના 15 ટીન મળી આવ્યા હતા જેથી કરીને પોલીસે દારૂ બીયર સાથે એક શખ્સની ધરપકડ કરેલ છે અને માલ આપનારનું નામ સામે આવ્યું છે તેને પકડવા માટે તજવીજ ચાલી રહી છે.
જાણવા મળતી માહિતી મુજબ વાંકાનેરમાં આવેલ મિલ સોસાયટી ગોડાઉન રોડ પાસે રહેતા ઈરફાનભાઇ ખોખરના મકાનમાં દારૂ હોવાની બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની મોટી 2 બોટલ તથા 8 ચપલા અને બિયરના 15 ટીન મળી આવ્યા હતા. જેથી પોલીસે દારૂ બિયર સ્કૂલ મળીને 7,060 ની કિંમતનો જથ્થો કબજે કર્યો હતો અને આરોપી ઈરફાનભાઇ ઇકબાલભાઈ ખોખર (30) રહે. મિલ સોસાયટી વાંકાનેર વાળાની ધરપકડ કરી હતી અને તેની પાસેથી મળી આવેલ દારૂ બિયરનો જથ્થો તેણે મોહીન ઉર્ફે મોન્ટી ઉસ્માનભાઈ હાલા રહે. મિલ પ્લોટ ડબલ ચાલી વાંકાનેર વાળા પાસેથી મેળવ્યો હોવાનું સામે આવતા પોલીસે બંને સામે ગુનો નોંધ્યો છે અને મોહીન ઉર્ફે મોન્ટી હાલાને પકડવા માટે તજવીજ હાથ ધરી છે.
