ધારાસભ્યની જહેમત રંગ લાવી: વાંકાનેરના ઢુવા ગામે વીજ કંપનીનું ફોલ્ટ સેન્ટર મંજૂર

વાંકાનેર તાલુકાની ઢુવા ગ્રામ પંચાયત અને મોરબી સીરામીક એસોસિએશનની રજૂઆતને ધ્યાને લઈને વાંકાનેરના ધારાસભ્ય દ્વારા સરકારમાં રજૂઆત કરવામાં આવી હતી જેને ધ્યાને લઈને ઢુવા ફોલ્ટ સેન્ટર મંજૂર કરવામાં આવ્યું છે જેથી ધારાસભ્યની જહેમત રંગ લાવી છે.

મોરબી સીરામીક એસોસિએશન અને ઢુવા ગ્રામ પંચાયત સહિતની આસપાસની પંચાયત દ્વારા ગત તા. 23/3/2023 માં વાંકાનેરના ધારાસભ્ય જીતુભાઈ સોમાણીને ઢુવા ફોલ્ટ સેન્ટર માટેની રજૂઆત કરવામાં આવી હતી ત્યાર બાદ ધારાસભ્ય દ્વારા તા. 20/6/2023, 13/10/2023 તેમજ 25/2/2024 ના રોજ પત્ર લખીને તેમજ આ બાબતે ઉર્જામંત્રી કનુભાઈ દેસાઈને રૂબરૂ રજૂઆત કરેલ હતી જેના ફળ સ્વરૂપે ઉર્જામંત્રી, તેમના સચિવ અને ઉપસચિવ અને પી.જી.વી.સી.એલના પ્રયાસથી ઢુવા ફોલ્ટ સેન્ટર મંજૂર કરવામાં આવ્યું છે. જેથી કરીને વાંકાનેરના ધારાસભ્ય જીતુભાઈ સોમાણીની જહેમત રંગ લાવી છે