હળવદના ટીકર ગામે વાડીએ વીછીએ ડંખ મારતા ઝેરી અસર થવાથી યુવાનનું મોત

હળવદ તાલુકાના ટીકર ગામે વાડીએ રહીને મજૂરી કામ કરતો યુવાન વાડીએ હતો ત્યારે ડાબા કાન પાસે વીછીએ ડંખ મારતા ઝેરી અસર થઈ હતી અને યુવાનનું મોત નીપજયું હતું ત્યારબાદ તેના મૃતદેહને પીએમ માટે હળવદની સરકારી હોસ્પિટલે લઈને આવ્યા હતા અને આ બનાવની મૃતક યુવાનના પત્નીએ પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

બનાવી જાણવા મળતી માહિતી મુજબ મૂળ છોટાઉદેપુર જિલ્લાના રહેવાસી અને હાલમાં હળવદ તાલુકાના ટીકર ગામે શક્તિભાઈ પટેલની વાડીએ રહેતા અને મજૂરી કામ કરતા મીનકાભાઈ વેલજીભાઈ ભીલ (29) નામનો યુવાન વાડીએ ખાટલા ઉપર સૂતો હતો દરમિયાન તેને ડાબા કાન પાસે વીછીએ ડંખ મારતા તે યુવાનને ઝેરી અસર થઈ હતી જેથી તેનું મોત નીપજ્યું હતું ત્યારબાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની મૃતક યુવાનના પત્ની સુમીલાબેન મીનાકભાઈ ભીલ (25) રહે. હાલ ટિકર વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે.

અકસ્માતમાં ઇજા

માળિયા તાલુકાના મોટા દહીસરા ગામે રહેતા વિજયભાઈ શાંતિલાલ (35) નામનો યુવાન પગપાળા ચાલીને દહીસરા પાસેથી પસાર થઈ રહ્યો હતો ત્યારે અજાણ્યા બાઇક ચાલાકે તેને ઠોકર મારતા અકસ્માતનો બનાવ બનેલ હતો જેથી ઇજા પામેલા યુવાનને સારવાર માટે મોરબીની આયુષ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરવામાં આવી હતી

વૃદ્ધા સારવારમાં

હળવદ તાલુકાના માથક ગામે રહેતા જયનાબેન હનુભાઇ રજપુત (75) નામના વૃદ્ધા બાઈકમાં બેસીને જઈ રહ્યા હતા દરમિયાન કોઈ કારણોસર તે બાઈકમાંથી નીચે પટકાતા તેઓને ઇજા થઈ હતી જેથી તેને સારવાર માટે મોરબીની આયુષ હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરવામાં આવી હતી