મોરબી જિલ્લા પંચાયતની 4 જુલાઈએ ખાસ સામાન્ય સભાની બેઠક મળશે

મોરબી જિલ્લા પંચાયતની ખાસ સામન્ય સભા આગામી તા 4 જુલાઈના રોજ રાખવામા આવેલ છે જેમાં જિલ્લાના જુદાજુદા વિકાસ કામોના એજન્ડાનો સમાવેશ કરવામાં આવેલ છે.

મોરબી જિલ્લા પંચાયત કચેરીના સભાખંડમાં આગામી 4 જુલાઈ ને શુક્રવારે બપોરે 12 કલાકે ખાસ સામાન્ય સભાની બેઠક રાખવામા આવેલ છે. જેમાં પંચાયત હસ્તકના શહેરી વિસ્તારમાં આવતા રસ્તાઓ મોરબી મહાનગરપાલિકાને સોંપવાની દરખાસ્ત પણ કરવામાં આવશે, માર્ગ અને મકાન (પંચાયત) મોરબીના રોડની બાજુમાં સમાંતર અને ક્રોસિંગથી સિંચાઈ માટેની પાઇપલાઇન નાખવા માટે ભાડા અને ડિપોઝિટ રકમ મુક્ત કરવાની મંજૂરી આપતા ઠરાવને બહાલી આપવામાં આવશે. ડીડીઓના નવા વાહનની ખરીદી, રેતી રોયલ્ટીના થયેલા કામોની સૈદ્ધાંતિક મંજૂરી સહિતના એજન્ડા લેવામાં આવેલ છે. આ ઉપરાંત કલ્યાણપર ગામને ગ્રામ પંચાયતનો દરજ્જો આપવા અભિપ્રાય આપવા બાબતે પણ આ બેઠકમાં ચર્ચા કરવામાં આવશે.