મોરબીમાં ખાનપર ગામે યુવાનની માલીકીની જમીન ઉપર કબ્જો કરનાર બે શખ્સ સામે લેન્ડ ગ્રેબિંગ

મોરબીમાં ખાનપર ગામે આવેલ યુવાનની ખેતીની જમીન ઉપર ગેરકાયદેસર કબજો કરી લેવામાં આવેલ હતો અને તે જમીનમાં વાવેતર કરી આર્થિક ઉપજ મેળવી રહ્યા હતા જેથી જમીન ઉપર અનઅધિકૃત રીતે કબજો કરનાર બે શખ્સોની સામે હાલમાં ભોગ બનેલ યુવાને મોરબી તાલુકા પોલીસ સ્ટેશન ખાતે લેન્ડ ગ્રેબિંગની ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

મોરબીના એસપી રોડ ઉપર આવેલ ભક્તિનિકેતન સોસાયટીમાં ફ્લોરા-17 બ્લોક નં. બી/201 માં રહેતા વસંતભાઈ છગનભાઈ રાજકોટિયા (49)એ હાલમાં પ્રકાશભાઈ તરશીભાઈ જીવાણી અને કલ્પેશભાઈ તરશીભાઈ જીવાણી રહે. બંને ખાનપર વાળાની સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યું છે કે ખાનપર ગામની સીમમાં સર્વે નંબર 34 પૈકી 9 ની જમીન હેક્ટર 00-95-10 ચોરસ મીટર વાળી ફરિયાદીની માલિકીની ખેતીની જમીન ઉપર બંને આરોપીઓએ ગેરકાયદેસર કબજો કરેલ છે અને તેના ઉપર વાવેતર કરી આર્થિક ઉપજ મેળવેલ છે અને જમીનનો અનાધિકૃત કબજો રાખી જમીન પચાવી પાડવા માટે તેને ખાલી કરેલ નથી જેથી કરીને ભોગ બનેલ યુવાને નોંધાવેલ ફરિયાદ આધારે પોલીસે બે શખ્સોની સામે ગુનો નોંધીને આરોપીને પકડવા માટે તજવીજ શરૂ કરેલ છે અને આ અંગેની આગળની વધુ તપાસ ડીવાયએસપી પી.એ.ઝાલા ચલાવી રહ્યા છે.

વરલી જુગાર

મોરબી તાલુકાના જાંબુડીયા ઓવરબ્રિજ નીચે જાહેરમાં વરલી જુગારના આંકડા લેવામાં આવતા હોવાની હકીકત મળી હતી જેથી ત્યાં રેડ કરી હતી ત્યારે સ્થળ ઉપરથી વરલીના આંકડા લેતા ચંદુભાઈ છગનભાઈ વાઘેલા (38) રહે. સનાળા મોરબી વાળો મળી આવતા પોલીસે તેની પાસેથી 350 રૂપિયાની રોકડા કબજે કરી હતી અને તેની ધરપકડ કરેલ છે.