હળવદના ચરાડવા ગામે વાડીમાં-રણમલપુર ગામે જાહેરમાં જુગારની રેડ: 11 શખ્સો 92,720 ની રોકડ સાથે પકડાયા

હળવદના ચરાડવા ગામની સીમમાં આવેલ વાડીમાં તેમજ રણમલપુર ગામે મકાનની પાછળના ભાગમાં જાહેરમાં જુગારની જુદી જુદી બે રેડ કરી હતી ત્યારે કુલ મળીને 11 શખ્સો જુગાર રમતા મળી આવ્યા હતા જેથી પોલીસે 92,720 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે જુગારના જુદા જુદા બે ગુના નોંધી આગળની કાર્યવાહી હાથ ધરી છે.

હળવદના ચરાડવા ગામની સીમમાં સમલી રોડ ઉપર ગારી તરીકે ઓળખાતી સીમમાં વિજયભાઈ માકાસણાની વાડીમાં જુગાર રમતા હોવાની હકીકત મળી હતી જેના આધારે હળવદ પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી જુગાર રમતા વિજયભાઈ છગનભાઈ માકાસણા (45) રહે. ચરાડવા, રણછોડભાઈ રવજીભાઈ સોનાગ્રા (58) રહે. ચરાડવા, ધર્મેશભાઈ નારણભાઈ સોનાગ્રા (38) રહે. ચરાડવા અને જયુભા રાણાભા મારુ (40) રહે. નવલખી રોડ અશોક પાર્ક મોરબી વાળા મળી આવ્યા હોય પોલીસે તેની પાસેથી 67,370 ની રોકડ કબજે કરી હતી. અને જુગારની બીજી રેડ રણમલપુર ગામે પ્રભુભાઈ વિરાણીના મકાનની પાછળના ભાગમાં કરવામાં આવી હતી ત્યારે ત્યાં સ્થળ ઉપરથી પ્રભુભાઈ ભગવાનભાઈ વિરાણી (65) રહે. રણમલપુર, વિજયભાઈ ચંદુભાઈ વેકરીયા (25) રહે. રણમલપુર, સુરેશભાઈ રણછોડભાઈ કુડેચા (27) રહે. રણમલપુર, ગણપતભાઈ પ્રભુભાઈ નગવાડિયા (57) રહે. મંગળપુર, વિપુલભાઈ ત્રિભુવનભાઈ પારેજીયા (40) રહે. રણમલપુર, નાગરભાઈ જાદુભાઈ વિરાણી (40) રહે. રણમલપુર અને દેવકણભાઈ મનજીભાઈ વરમોરા (64) રહે. રણમલપુર વાળા જુગાર રમતા મળી આવ્યા હોય પોલીસે 25,350 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશન ખાતે બંને ગુના નોંધી આગળની કાર્યવાહી હાથ ધરી છે.