વાંકાનેરના તીથવા ગામે વાડીએ ટ્રેક્ટર નીચે કચડાઈ જવાથી 8 માસના બાળકનું મોત
SHARE
JOIN OUR GROUP
વાંકાનેરના તીથવા ગામે વાડીએ ટ્રેક્ટર નીચે કચડાઈ જવાથી 8 માસના બાળકનું મોત
વાંકાનેર તાલુકાના તિથવા ગામ પાસે વાડીએ મજૂરી કામ કરતા યુવાનનો આઠ માસનો દીકરો ટ્રેક્ટર નીચે છાયામાં સુવડાવ્યો હતો દરમિયાન અન્ય બાળકો ત્યાં રમતા હતા તેવા સમયે ટ્રેક્ટર રડી પડતા તે ટ્રેક્ટરના ટાયર બાળકના શરીર ઉપરથી ફરી ગયા હતા જેથી કરીને તેને ગંભીર ઈજા થવાના કારણે આઠ માસના બાળકનું મોત નીપજ્યું હતું જે બનાવની મૃતક બાળકના પિતાએ વાંકાનેર તાલુકા પોલીસ સ્ટેશનમાં જાણ કરતાં પોલીસે રાબેતા મુજબની કાર્યવાહી હાથ ધરી છે
મૂળ દાહોદ જિલ્લાના રહેવાસી અને હાલમાં વાંકાનેર તાલુકાના પીપળીયારાજ ગામે ઇરફાનભાઇ કડીવારની ઓરડીમાં રહીને ખેતીમાં મજૂરી કામ કરતા હુમલાભાઈ ભગુભાઈ માવી (44) નો આઠ માસનો દીકરો કીર્તન હુમલાભાઈ માવી તિથવા ગામે વાડીના શેઢે ટ્રેક્ટર ની નીચેના ભાગમાં છાયડામાં સુવડાવ્યો હતો ત્યારે હુમલાભાઈ અને તેના પત્નીને અન્ય મજૂરો વાડીમાં કપાસ વીણવા માટેનું કામ કરતા હતા અને તેઓના બાળકો ટ્રેક્ટર પાસે રમતા હતા દરમિયાન છોકરાઓ ટ્રેક્ટર પાસે રમતા હતા ત્યારે કોઈ કારણોસર ટ્રેક્ટર રડી પડતા તેના ટાયર નીચે કીર્તન આવી ગયો હતો જેથી કરીને તેને શરીરે ગંભીર ઇજા થઈ હોવાના કારણે તેનું મોત નીપજ્યું હતું અને અકસ્માત્મ થયો હતો આ બનાવની મૃતક બાળકના પિતાએ વાંકાનેર તાલુકા પોલીસ સ્ટેશન ખાતે જાણ કરતા પોલીસે અકસ્માતના બનાવની નોંધ કરી આગળની રાબેતા મુજબની કાર્યવાહી હાથ ધરી છે
