મોરબી માળિયા વિધાનસભા બેઠક ઉપર કોંગેસના ઉમેદવાર જયંતીભાઈ જેરાજભાઇ પટેલ ફાઇનલ

મોરબી માળિયા વિધાનસભા બેઠક માટે કોંગ્રેસના સત્તાવાર ઉમેદવારને જાહેર કરવામાં આવ્યા હતા જેથી કરીને અવઢવ ચાલી રહી હતી અને છેલ્લે મોરબી માળિયા વિધાનસભા બેઠક ઉપર મોરબી જિલ્લા કોંગ્રેસના પ્રમુખ અને કોંગ્રેસના સિનિયર આગેવાન જયંતીભાઈ જેરાજભાઇ પટેલનું નામ ફાઇનલ કરવામાં આવ્યું છે જેથી કરીને મોરબી માળિયા વિધાનસભા બેઠક ઉપર કોંગ્રેસના સત્તાવાર ઉમેદવાર તરીકે આવતીકાલે તેઓ પોતાનું ઉમેદવારી પત્ર ભરીને ચૂંટણી પ્રચારના શ્રી ગણેશ કરશે

મોરબી જિલ્લામાં આવતી ત્રણ વિધાનસભા બેઠકો પૈકી મોરબી માળિયા વિધાનસભા બેઠક માટે થઈને કોંગ્રેસમાંથી ટિકિટ મેળવવા માટે થઈને ખેંચતાણ અંત સુધી ચાલી હતી જોકે છેલ્લે મોરબી જિલ્લા કોંગ્રેસના પ્રમુખ જયંતીભાઈ પટેલ અને મોરબી જિલ્લા પંચાયતના માજી પ્રમુખ કિશોરભાઈ ચીખલીયાનું નામ ટિકિટના દાવેદાર તરીકે ચાલતું હતું તેમાં કોંગ્રેસની રાષ્ટ્રીય અને પ્રદેશની નેતાગીરીએ મંથન કરીને છેલ્લે મોરબી જિલ્લા કોંગ્રેસના પ્રમુખ જયંતીભાઈ જેરાજભાઇ પટેલની ઉપર પસંદગીનો કળશ ઢોળ્યો છે અને તેઓ વર્ષ ૨૦૨૨ માં કોંગ્રેસના સત્તાવાર ઉમેદવાર તરીકે વિધાનસભાની ચૂંટણીમાં પોતાની ઉમેદવારી નોંધાવશે આવતીકાલે ઉમેદવારી પત્ર ભરવાનો છેલ્લો દિવસ હોય જયંતીભાઈ જેરાજભાઇ પટેલ સવારે ૧૦ વાગ્યે જિલ્લા કોંગ્રેસ કાર્યાલયેથી પોતાના સમર્થકો સાથે તેનું ઉમેદવારી પત્ર ભરવા માટે જશે અત્રે ઉલેખનીય છે કે, મોરબી માળિયા વિધાનસભા બેઠક ઉપર જયંતીભાઈ જેરાજભાઇ પટેલને કોંગ્રેસ પક્ષમાંથી છ વખત ટીકીટ આપવામાં આવી છે અને એક વખત તેઓએ અપક્ષમાં ઉમેદવારી કરી હતી આમ કુલ મળીને તેઓ સાત વખત વિધાનસભાની મોરબી બેઠક ઉપરથી ચૂંટણી લડ્યા છે જોકે તેઓને હજુ સુધી એક પણ વખત આ બેઠક ઉપરથી સફળતા મળી નથી ત્યારે આ ચૂંટણીમાં તેઓને સફળતા મળશે કે કેમ ?, મતદારોનો જનાદેશ મળશે કે કેમ ? તે આગામી સમય બતાવશે