મોરબીના રંગપર ગામ પાસેથી દારૂ ભરેલી ઇકો કાર સાથે બે ઝડપાયા 

મોરબીના રંગપર ગામ પાસે આવેલ સીરામીક કારખાનાની પાછળના ભાગમાં દારૂનો જથ્થો હોવાની બાતમી મળી હતી જેના આધારે એલસીબીની ટીમ દ્વારા ત્યાં રેડ કરવામાં આવતા દારૂનો જથ્થો ભરેલ ઈકો કાર મળી આવી હતી જેથી કરીને પોલીસે ૧૦૪૦૦૦ રૂપિયાની કિંમતનો મુદ્દામાલ કબજે કર્યો હતો અને સ્થળ ઉપરથી બે આરોપીની ધરપકડ કરવામાં આવી છે હાલમાં મોરબી તાલુકા પોલીસ સ્ટેશન ખાતે તે બંનેની સામે ગુનો નોંધીને પોલીસે આગળની રાબેતા મુજબની કાર્યવાહી હાથ ધરેલ છે 

મોરબીના જેતપર રોડ ઉપર આવેલ રંગપર ગામ પાસે સીરામીક કારખાનાની પાછળના ભાગમાં દારૂનો જથ્થો હોવાની એલસીબીની ટીમને બાતમી મળી હતી જેના આધારે એલસીબીની ટીમ દ્વારા ત્યાં રેડ કરવામાં આવતા સ્થળ ઉપરથી ઇકો કાર નંબર જીજે ૧ એફટી ૨૭૦૫ મળી આવી હોય પોલીસે તેને ચેક કરતા ગાડીમાંથી ૨૦૦ લીટર દેશી દારૂનો જથ્થો મળી આવ્યો હતો જેથી પોલીસે  ૪૦૦૦ ની કિંમતનો દારૂનો જથ્થો તથા એક લાખ રૂપિયાની કિંમતની કાર આમ કુલ મળીને ૧૦૪૦૦૦ રૂપિયાની કિંમતનો મુદ્દામાલ સ્થળ ઉપરથી કબજે કર્યો હતો અને આરોપી નરેશભાઈ અવચરભાઈ ધામેચા (૨૯) અને રાજેશભાઈ લાભુભાઈ ફતેપરા (૨૯) રહે બંને ગોપાલગઢ વાળાની ધરપકડ કરેલ છે આ બંને શખશો દારૂનો જથ્થો ક્યાંથી લાવ્યા હતા અને કોને આપવાના હતા તે દિશામાં હાલમાં પોલીસે તપાસ શરૂ કરી છે અને મોરબી તાલુકા પોલીસ સ્ટેશન ખાતે આ બંને શખ્સોની સામે ગુનો નોંધી આગળની કાર્યવાહી હાથ ધરવામાં આવી છે

જુગાર

વાંકાનેર નજીક ગારીયાના બોર્ડ પાસે વરલી જુગારના આંકડા લેવામાં આવતા હોવાની બાતમી મળી હતી જેના આધારે પોલીસે ત્યાં રેડ કરી હતી ત્યારે વરલી જુગારના આંકડા લેતા જયસુખભાઈ ધરમશીભાઈ રોજાસરા જાતે કોળી (૩૦) રહે. ગારીયા ગામ વાળો મળી આવતા પોલીસે તેની પાસેથી ૬૦૦ ની રોકડ કબજે કરી હતી