મોરબીના પંચાસર રોડે બાઇક આડે ગાય ઉતરતા અકસ્માત: ઇજા પામેલ વૃદ્ધ દંપતી સારવારમાં
Morbi Today
હળવદના મિયાણી ગામે રેતીના વોશિંગ પ્લાન્ટની હોજમાં ડૂબી જવાથી માતા-પુત્રના મોત
SHARE
JOIN OUR GROUP
હળવદના મિયાણી ગામે રેતીના વોશિંગ પ્લાન્ટની હોજમાં ડૂબી જવાથી માતા-પુત્રના મોત
હળવદના મિયાણી ગામે આવેલ શક્તિ પ્લાન્ટમાં રેતીના વોશિંગ માટે બનાવેલ હોજમાં ડૂબી જવાથી માતા અને પુત્રનું મોત નીપજ્યું છે જેથી કરીને મૃતકના મૃતદેહને હળવદની સરકારી હોસ્પિટલ ખાતે પીએમમાં લઈને આવ્યા છે અને આ બનાવની હળવદ તાલુકા પોલીસને જાણ કરતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ હળવદ તાલુકાના મિયાણી ગામે આવેલ શક્તિ પ્લાન્ટમાં રહીને મજૂરી કામ કરતા વિક્રમભાઈ તડવીના પત્ની કુસુમબેન વિક્રમભાઈ તડવી (૨૧) અને દીકરો આયુષ વિક્રમભાઈ તડવી (૩) રેતી ધોવા માટે થઈને બનાવેલ હોજમાં ડૂબી જતા તે બંનેના ઘટના સ્થળે જ મોત નીપજ્યા હતા જેથી માતા અને પુત્રના ડેડબોડીને ત્યાંથી બહાર કાઢીને પીએમ માટે હળવદની સરકારી હોસ્પિટલ ખાતે લઈને આવ્યા હતા અને આ બનાવની હળવદ સરકારી હોસ્પિટલ મારફતે હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની તપાસ હળવદ તાલુકા પોલીસ સ્ટેશનના ચેતનભાઇ કડવાતર ચલાવી રહ્યા હોય તેઓની સાથે વાત કરતા તેમણે જણાવ્યું હતું કે કુસુમબેન તડવી કપડાં ધોવા માટે થઈને શક્તિ પ્લાન્ટમાં બનાવેલ હોજ બાજુ ગયા હતા ત્યારે તેનો ત્રણ વર્ષનો દીકરો પાણીમાં આગળ દોડીને જતો રહ્યો હોય તેને બહાર કાઢવા માટે થઈને જતા કુસુમબેન અને તેનો દીકરો બંને પાણીમાં ડૂબી જતાં તે બંનેના મોત નીપજયાં છે આગળની તપાસ ચાલી રહી છે
અકસ્માતમાં ઇજા
હળવદ તાલુકાના મોટી માલણીયાદ ગામે રહેતા નિમુબેન માધવજીભાઈ પટેલ (૩૧) નામની મહિલા બાઇકમાં પાછળના ભાગે બેસીને ગામ પાસેથી પસાર થઈ હતી ત્યારે બાઇક સ્લીપ થઈ ગયું હતું જેથી કરીને નીમુબેન રસ્તા ઉપર નીચે પટકાતા તેઓને ઇજા થઈ હતી જેથી તેને સારવાર માટે મોરબીની શિવમ હોસ્પિટલ ખાતે તેને સારવારમાં લઈને આવ્યા હતા અને અકસ્માતના બનાવની પ્રથમ મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
મારામારીમાં ઇજા
મોરબીના નવલખી રોડ ઉપર આવેલ લાયન્સનગરમાં મારામારીનો બનાવ બન્યો હતો જેમાં ત્યાં રહેતા ક્રિપાલસિંહ મહેન્દ્રસિંહ ઝાલા (૩૬) નામના યુવાનને ઇજા થઈ હતી જેથી ઈજા પામેલ યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને મારામારીના આ બનાવની મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની તપાસ બી ડિવિઝન પોલીસ સ્ટેશનના વી.ડો. મેતા ચલાવી રહ્યા છે
