વાંકાનેરમાં ઘરે કેરોસીન છાંટીને કાંડી ચાંપી લેનારા વૃદ્ધનું સારવારમાં મોત
Morbi Today
મોરબી-હળવદમાં દારૂની ત્રણ રેડ: ૨૫ બોટલ દારૂ કબજે, એક આરોપી પકડાયો: બે બુટલેગરની શોધખોળ
SHARE
JOIN OUR GROUP
મોરબી-હળવદમાં દારૂની ત્રણ રેડ: ૨૫ બોટલ દારૂ કબજે, એક આરોપી પકડાયો: બે બુટલેગરની શોધખોળ
મોરબીના વીસીપરા વિસ્તારમાં મસ્જિદ વાળી શેરીમાં રહેણાંક મકાનમાં એલસીબીની ટીમે દારૂની રેડ કરીને ૧૪ બોટલ દારૂ કબજે કર્યો છે જો કે, બુટલેગર ઘરમાં હાજર ન મળી આવતા તેની સામે બી ડિવિઝન પોલીસ સ્ટેશન ખાતે ગુનો નોંધવામાં આવેલ છે આવી જ રીતે હળવદના મિયાણી ગામે રહેણાક મકાનમાં દારૂની રેડ કરવામાં આવી હતી ત્યારે ઘરમાંથી દારૂની ૧૦ બોટલો મળી આવી હતી જો કે, બુટલેગર હાજર ન હોવાથી તેની સામે હળવદ તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે
જાણવા મળતી વિગત પ્રમાણે મોરબીના વીસીપરા વિસ્તારની અંદર રહેતા સાજીદ ઉર્ફે સાજલો સુમરાના ઘરની અંદર દારૂ હોવાની એલસીબીની ટીમને બાતમી મળી હતી જેને આધારે ટીમ દ્વારા તેના ઘરની અંદર દારૂની રેડ કરવામાં આવતા ઘરમાંથી દારૂની ૧૪ બોટલ મળી આવી હોય પોલીસે ૫૨૫૦ ની કિંમતની દારૂની બોટલો કબજે કરી હતી જો કે, બુટલેગર સાજીદ ઉર્ફે સાજલો અબ્દુલભાઈ સુમરા રહે. વીસીપરા મસ્જિદ વાળી શેરી વાળો પોતાના ઘરે હાજર ન હોવાથી તેની સામે બી ડિવિઝન પોલીસ સ્ટેશન ખાતે ગુનો નોંધીને તેને પકડવા માટે પોલીસે તજવીજ શરૂ કરી છે
તો હળવદ તાલુકાના મિયાણી ગામે રહેતા કિશનભાઇ કુરિયાના ઘરની અંદર દારૂનો જથ્થો હોવાની બાતમી મળી હતી જેના આધારે સ્થાનિક પોલીસ દ્વારા તેના ઘરની અંદર દારૂની રેડ કરવામાં આવતા મકાનના પાછળના ભાગમાં આવેલ વાડામાંથી દારૂની ૧૦ બોટલ મળી આવી હતી જેથી પોલીસે ૩૨૦૦ કિંમતનો મુદ્દામાલ કબજે કર્યો છે જોકે, બુટલેગર કિશનભાઇ રમેશભાઈ કુરિયા જાતે કોળી રહે. મિયાણી તાલુકો હળવદ વાળો ઘરે હાજર ન હોવાથી તેની સામે હળવદ તાલુકા પોલીસ સ્ટેશન ખાતે ગુનો નોંધી તેને પકડવા માટે પોલીસે તજવીજ શરૂ કરી છે
એક બોટલ દારૂ
મોરબીના લાતી પ્લોટ શેરી નં-૫ ના ખૂણા પાસેથી પસાર થતા શખ્સને રોકીને પોલીસે ચેક કરતા તેની પાસેથી દારૂની એક બોટલ મળી આવી હોય પોલીસે ૧૨૭૫ ની કિંમતની દારૂની બોટલ કબજે કરી હતી અને અલ્તા ઉર્ફે રાજા સોકતભાઈ ખોડ જાતે મિયાણા (૨૧) રહે. જોન્સનગર શેરી નં-૧૧ વાળાની ધરપકડ કરેલ છે અને તેની પાસેથી મળી આવેલ દારૂની બોટલ તે ક્યાંથી લાવ્યો હતો તે દિશામાં તપાસ શરૂ કરેલ છે
