હળવદ તાલુકામાંથી ૧૦.૪૩ લાખની વીજચોરી સામે આવી

મોરબી જીલ્લામાં વીજ કંપનીના અધિકારી અને કર્મચારીઓ દ્વારા ચેકિંગ કરવામાં આવી રહ્યું છે ત્યારે હળવદ શહેર અને તાલુકામાંથી ચેકિંગ દરમ્યાન વીજ ચોરી સામે આવેલ છે જેમાં રહેણાંકના ૨૬ અને વાણિજ્યના ૭ કનેક્શન મળીને ૧૦.૪૩ લાખની વીજચોરી સામે આવી છે જેથી કરીને દંડ વસૂલ કરવા માટે તજવીજ શરૂ કરવામાં આવી છે.

મોરબી જિલ્લામાં  છેલ્લા દિવસોથી વીજ ચેકિંગ કરવામાં આવી રહ્યું છે ગઇકાલે મોરબી, માળીયા અને ટંકારા તાલુકામાં ૩૬.૫૦ લાખની વીજ ચોરી સામે આવી હતી ત્યાર બાદ આજે હળવદ તાલુકામાં ચેકિંગ કરવામાં આવ્યું હતું ત્યારે ૨૦ ટિમો દ્વારા તાલુકામાં કુલ મળીને રહેણાંકના ૭૪ અને વાણિજ્યના ૪૮ કનેક્શન ચેક કર્યા હતા તેમાં રહેણાંકના ૨૬ અને વાણિજ્યના ૭ વીજ કનેક્શનમાં ગેરરીતિ સામે આવી છે જેથી કરીને કુલ ૧૦.૪૩ લાખનો દંડ વસૂલ કરવા માટે તજવીજ શરૂ કરેલ છે