મોરબીમાં આઈશ્રી સોનલમાઁ મંદિરનો પ્રાણપ્રતિષ્ઠા મહોત્સવ યોજાશે: બ્રિજરાજદાન ગઢવી-હકાભા ગઢવી કરશે જમાવટ
SHARE
JOIN OUR GROUP
મોરબીમાં આઈશ્રી સોનલમાઁ મંદિરનો પ્રાણપ્રતિષ્ઠા મહોત્સવ યોજાશે: બ્રિજરાજદાન ગઢવી-હકાભા ગઢવી કરશે જમાવટ
મોરબીના સમસ્ત ચારણ સમાજ જોગ અખબારી યાદીમાં જણાવ્યુ છે કે, મોરબી ચારણ સમાજ દ્વારા તા.૨૫-૬ ને રવિવારથી તા.૨૭-૬ મંગળવાર સુધી આઈશ્રી સોનલમાઁ મંદિર, ચારણ સમાજની વાડી, લીલાપર રોડ, ગૌશાળા સામે, મોરબી ખાતે સોનલમાઁ મંદિરનો ત્રીદીવસીય ભવ્ય પ્રાણપ્રતિષ્ઠા મહોત્સવ શાસ્ત્રી જીજ્ઞેશભાઇ પંડયાના આચાર્યપદે ઉજવવાનું આયોજન કરવામાં આવ્યું છે.
જેમા પ્રથમ દિવસે તા.૨૫ ને રવિવારે સાંજે ૫ કલાકે સોનલમાઁની મૂર્તિની નગરયાત્રા ગોવિંદભા રાજૈયા તથા નાનભા રાજૈયાના નિવાસસ્થાનેથી ચારણ સમાજની વાડી સુધી નીકળનાર છે.જેથી આ રથયાત્રામાં આઈશ્રી સોનલમાઁના દર્શન માટે સૌને ભાવભર્યું આમંત્રણ છે.તેમજ બીજા દિવસે તા.૨૬ ને સોમવારે સાંજે ભવ્ય લોકડાયરાનું આયોજન કરવામાં આવ્યું છે.જેમાં ગુજરાતના ધુરંધર લોકસાહિત્યકાર એવા બ્રિજરાજદાન ગઢવી, હાસ્યકલાકાર હકાભા ગઢવી, ચારણી ચરજોના કલાકાર જયદાન ગઢવી તથા મોરબીના જાણીતા લોકસાહિત્યકાર રાજુભાઈ આહિર દ્વારા ચારણી ચરજો, દુહાછંદ અને હાસ્યની છોળો સાથે ભવ્ય સંતવાણી યોજવામાં આવશે.
જયારે ત્રીજા દિવસે તા.૨૭ ના આઈશ્રી સોનલમાઁ મૂર્તિની પ્રાણપ્રતિષ્ઠા કરી પૂર્ણાહુતિ બાદ ગોવિંદભા રાજૈયા તથા નાનભા રાજૈયા તરફથી મહાપ્રસાદનું આયોજન કરાયેલ છે.વધુ માહીતી માટે ભારૂભા બાવડા (મો.૯૭૨૬૧ ૮૭૧૩૮), સંજયભા નૈયા (મો.૯૭૨૭૪ ૦૧૦૧૦), મુકેશભા મારૂ (મો.૯૭૨૭૨ ૩૧૮૧૬), જનકભા જામંગ (મો.૮૨૦૦૯ ૨૫૫૯૬), હરદાસભા રતન (મો.૯૯૨૫૧ ૮૨૯૪૫), કરણભા રાજેયા (મો.૯૭૨૭૯ ૨૨૫૯૧), સંજયભા નાંદણ (મો.૭૮૭૪૧ ૩૧૨૪૨) અથવા જયેશભા જામંગ (મો.૭૬૯૮૮ ૬૦૧૬૮) નો સંપર્ક કરવા યાદીમાં જણાવવામાં આવેલ છે.
