હળવદના ખનીજ ચોરીના કેસમાં બે આરોપીઓનો જામીન ઉપર છુટકારો

હળવદ પથકમા ખનીજ ચોરી પકડવામાં આવી હતી જે ગુનામા સડોવાયેલ આરોપીઓને પકડવામાં આવ્યા હતા જે આરોપીઓએ વકીલ મારફત મોરબીની કોર્ટમાં જામીન અરજી કરી હતી જે મોરબીની ડીસ્ટ્રીકટ એન્ડ સેશન્સ કોર્ટમાં મંજૂર કરવામાં આવેલ છે

હળવદ પોલીસ સ્ટેશનમા ખાણ-ખનીજ વિભાગની ફરિયાદના આધારે પોલીસે આરોપી દેવશીભાઈ લાલજીભાઈ ધાધર (રબારી) તથા વજાભાઈ લાલજીભાઈ ગોયલ (રબારી)ની ધરપકડ કરી હતી અને આરોપીને જયુડીશીયલ કસ્ટડીમા જેલ હવાલે કર્યા હતા જે આરોપીઓએ મોરબી જીલ્લાના મહીલા એડવોકેટ ખુશબુ વાય. કોઠારી મારફત મોરબીની ડીસ્ટ્રીકટ એન્ડ સેશન્સ કોર્ટમાં જામીન માટેની અરજી કરેલ હતી. જે કેસમાં બને પક્ષે કાયદાકીય દલીલો કરવામાં આવી હતી જેમા આરોપી તરફેના વકીલ ખુશબુ કોઠારીએ વિવિધ દલીલો રજુ કરી હતી તેને ધ્યાને રાખીને કોર્ટે બંને આરોપીઓને જામીન પર છોડવાનો હુકમ કરેલ છે