હળવદના નવા સાપકડામાં ઘરમાં ખાડો ખોદીને ૫૭ બોટલ દારૂ સાથે બુટલેગરને પકડતી પોલીસ

હળવદ તાલુકાના નવા સાપકડા ગામે રહેણાંક મકાનમાં દારૂનો જથ્થો હોવાની હકીકત મળી હતી જેના આધારે સ્થાનિક પોલીસ દ્વારા ત્યાં દારૂની રેડ કરી હતી ત્યારે ઘરના ફળિયામાં જમીનમાં દાટીને રાખવામાં આવેલ દારૂની ૫૭ બોટલો મળી આવી હતી જેથી પોલીસે ૨૫,૨૯૫ નો દારૂ કબજે કરીને આરોપીની ધરપકડ કરેલ છે અને આગળની રાબેતા મુજબની કાર્યવાહી હાથ ધરી છે

હળવદ તાલુકા પોલીસની ટીમ પેટ્રોલિંગમાં હતી ત્યારે હળવદ તાલુકાના નવા સાપકડા ગામે રહેતા રસિકભાઈ નંદેસરીયાના ઘરની અંદર દારૂનો જથ્થો હોવાની સ્થાનિક પોલીસને બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરના ફળિયામાં જમીનમાં દારૂની બોટલ દાટી રાખી હોવાનું સામે આવ્યું હતું જેથી આરોપીના ઘરના ફળિયામાં ખાડો કરીને પોલીસે બેરલ છુપાવી રાખેલ દારૂની ૫૭ બોટલો કબજે કરી હતી અને ૨૫,૨૯૫ ના દારૂના જથ્થાની સાથે આરોપી રસિકભાઈ ઉર્ફે લાલો રામાભાઇ નંદેસરિયા જાતે કોળી (૩૦) રહે. નવા સાપકડા તાલુકો હળવદ વાળાની ધરપકડ કરેલ છે અને તેની પાસેથી મળી આવેલ દારૂની બોટલો તે કોની પાસેથી લાવ્યો હતો તે દિશામાં આગળની તપાસ શરૂ કરવામાં આવી છે આ કામગીરી હળવદ તાલુકા પોલીસ સ્ટેશનના પીઆઇ કે.એમ. છાસિયાના માર્ગદર્શન હેઠળ સ્થાનિક પોલીસ કર્મચારીઓ દ્વારા કરવામાં આવી હતી