હળવદના રણમલપુર ગામે વાડીમાં જુગાર રમતા ૧૦ જુગારી ૪.૬૬ લાખ સાથે પકડાયા: ત્રણ ફરાર

મોરબી જિલ્લા એલસીબીની ટિમ દ્વારા જુદાજુદા વિસ્તારમાં જુગારની રેડ કરવામાં આવી રહી છે ત્યારે હળવદ તાલુકાનાં રણમલપુર ગામની સીમમાં આવેલ વાડીએ જુગારની રેડ કરી હતી ત્યારે જુગાર રમતા શખસોમાં નાશભાગ મચી હતી અને સ્થળ ઉપરથી વાડીના માલિક સહિત કુલ મળીને ૧૦ જુગારી ૪.૬૬ લાખની રોકડ સાથે પકડાયેલ છે જો કે ત્રણ જુગારી નાશી ગયા હતા

મોરબી એલસીબીની ટીમે હળવદના રણમલપુર ગામે ભાવેશભાઈ પટેલની વાડીની ઓરડીમાં જુગારની રેડ કરી હતી ત્યારે જુગાર રમતા ભાવેશભાઇ ચંદુભાઇ વરમોરા (૩૩), ત્રિશાલભાઇ જગદીશભાઇ પારજીયા (૩૧), લખમણભાઇ ધનાભાઇ ખીટ (૩૨), ચંદુલાલ સવજીભાઇ પનારા (૩૮), મહેશભાઇ હરીભાઇ ડાંગર (૩૪), મહેશગીરી વિજેન્દ્રગીરી ગોસાઇ (૪૩), હીરેનભાઇ જગદીશભાઇ દવે (૪૦), ભરતભાઇ મયાભાઇ ઠુંગા (૨૬), મોન્ટુભાઇ ઘનશ્યામભાઇ કૈલા (૩૧) અને અશોકભાઇ પ્રભુભાઇ ડાંગર (૩૪) ની પોલીસે રોકડા ૪.૬૬ લાખની સાથે ધરપકડ કરેલ છે અને પોલીસને જોઈને નાશી ગયેલા જુગારીઓમાં યોગેશભાઇ ઉર્ફે કનો વિનોદભાઇ વામજા રહે. રણમાલપુર,  શીવાભાઇ ઉર્ફે કાળુ કરશનભાઇ વામજા રહે. રણમાલપુર અને પ્રકારભાઇ જગદીશભાઇ દવે રહે. મહર્ષિ ટાઉનશિપ હળવદ વાળાનો સમાવેશ થાય છે અને આ જુગારીઓની પાછળથી હળવદ પોલીસે ધરપકડ કરી હોવાનું જાણવા મળેલ છે