હળવદ તાલુકાની કરોડો રૂપિયાની રેતી ચોરીના ગુનામાં વધુ એક આરોપીની ધરપકડ
SHARE
JOIN OUR GROUP
હળવદ તાલુકાની કરોડો રૂપિયાની રેતી ચોરીના ગુનામાં વધુ એક આરોપીની ધરપકડ
થોડા સમય પહેલા હળવદના ગ્રામ્ય વિસ્તારમાં સ્ટેટ મોનિટરિંગ સેલની ટીમ દ્વારા રેતી ચોરી બાબતે રેડ કરવામાં આવી હતી અને કરોડોની કિંમતના વાહનો જપ્ત કરવામાં આવ્યા હતા અને આરોપીઓને પકડવામાં આવ્યા હતા આ ગુનામાં વધુ એક આરોપીને પકડવામાં આવેલ છે
આ રેડ કરી હતી ત્યારે મોટી સંખ્યામાં આરોપીઓને સ્થળ ઉપરથી પકડવામાં આવ્યા હતા અને કરોડોનો મુદામાલ પણ કબજે કર્યો હતો આ ગુનાની ક્રોસ તપાસ મોરબી સીટી બી ડિવિઝન પોલીસ મથકના પીએસઆઇ જે.એલ. ઝાલાને સોંપવામાં આવી છે અને આ ગુનામાં આરોપીને પકડવા માટેની તજવીજ ચાલી રહી છે ત્યારે એલસીબીની ટીમે આ ગુનામાં આરોપી રહીમભાઈ હુસેનભાઇ રાઉમા (૪૪) રહે. સામખીયારી વાળાની ધરપકડ કરેલ છે અને આરોપીને મોરબી બી ડિવિઝન પોલીસને હવાલે કરેલ છે
અકસ્માતમાં ઇજા
મોરબી નજીકના લાલપર ગામ પાસે આવેલ રાધે હોટલ નજીકથી રોડ ઉપરથી પસાર થઈ રહેલ રીક્ષામાં બેઠેલા કમલેશભાઈ પ્રજાપતિ (૩૫) અને ચુનીલાલ રાય (૩૩) રહે. બંને મૂળ યુપી વાળા નીચે પડી ગયા હતા જેથી કરીને બંને યુવાનોને ઈજા થઈ હોવાથી ઇજાગ્રસ્ત હાલતમાં તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી હતી અને આગલ્ત્નિ તપાસ જે.પી. પટેલ ચલાવી રહ્યા છે
