હળવદના નવા દેવડીયા ગામની પરણીતાને પતિ સહિતના સાસરિયાંનો ત્રાસ

હળવદ તાલુકાના નવા દેવડીયા ગામે રહેતી પરણીતાને તેના પતિ સહિતના સાસતીયઓ દ્વારા ઘરકામ બાબતે મેણાં ટોણાં મારીને મારકૂટ કરવામાં આવતી હતી અને શારીરિક માનસિક ત્રાસ દેવામાં આવતો હતો જેથી કરીને મહિલા પોલીસ સ્ટેશન ખાતે મહિલાએ ફરિયાદ નોંધાવી છે જેના આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ મૂળ નવા દેવળીયા ગામના રહેવાસી અને હાલમાં વેગડવા ગામે માવતરના ઘરે રહેતા શ્રદ્ધાબેન નયનભાઈ ભાડકા જાતે રબારી (૨૩) એ તેના પતિ નયનભાઈ શીવાભાઈ ભાડકા, સસરા શીવાભાઈ રાજાભાઈ ભાડકા, સાસુ લક્ષ્મીબેન શીવાભાઈ ભાડકા, જેઠ પરેશભાઈ શિવાભાઈ ભાડકા અને જેઠાણી નિમુબેન પરેશભાઈ ભાડકાની સામે મોરબી જિલ્લા મહિલા પોલીસ સ્ટેશન ખાતે ફરિયાદ નોંધાવી છે જેમાં તેમણે જણાવ્યું છે કે ઘરકામ બાબતે મેણાં ટોણાં મારીને તથા નાની નાની બાબતોમાં તેઓની સાથે અવારનવાર મારફૂટ કરીને શારીરિક માનસિક ત્રાસ આપતા હતા જેથી કરીને ભોગ બનેલ પરિણીતા દ્વારા નોંધવામાં આવેલ ફરિયાદ આધારે પોલીસે પતિ સહિતનાઓની સામે ગુનો નોંધી આરોપીઓને પકડવા માટે તજવીજ શરૂ કરેલ છે