હળવદના માથક ગામે રૂપિયાની લેતી દેતી બાબતે બોલાચાલી કરીને યુવાનને માર માર્યો: મારી નાખવાની ધમકી
Morbi Today
હળવદના જુના ધનાળા ગામના પાટીયા પાસે સર્જાયેલા અકસ્માતમાં બહેન બાદ હવે ઇજા પામેલા યુવાનનું મોત
SHARE
JOIN OUR GROUP
હળવદના જુના ધનાળા ગામના પાટીયા પાસે સર્જાયેલા અકસ્માતમાં બહેન બાદ હવે ઇજા પામેલા યુવાનનું મોત
હળવદના જુના ધનાળા ગામના પાટીયાથી આગળના ભાગમાં રોંગ સાઈડમાં આવેલા ટ્રેક્ટરના ચાલકે બાઈકને હડફેટે લીધું હતું જેથી કરીને અકસ્માતનો બનાવ બનેલ હતો ત્યારે એક યુવતનું મોત નીપજયું હતું અને તે યુવતીના ભાઈને ઇજા થયેલ હતી જે યુવાનનું પણ સારવાર દરમ્યાન મોત નીપજયું છે જેથી દિવાળીના પર્વ ઉપર પરિવારમાં શોકનું મોજુ ફરી વળ્યું છે
મોરબી તાલુકાના જેતપર ગામે રહેતા પાયલબેન રાજેશભાઈ હમીરપરા જાતે કોળી (૧૯)એ થોડા દિવસો પહેલા ટ્રેક્ટર નં જીજે ૧૩ સીએ ૯૮૫૬ ના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવી હતી જેમાં તેને જણાવ્યુ હતું કે, તે પોતાના માસીના દીકરાના લગ્ન હોવાથી રાણેકપર ગામે તેની માતા કંચનબેન અને બે બહેન પૂજા અને નંદની તેમજ ભાઈ જેરામ સાથે ત્યાં ગયા હતા અને લગ્ન પ્રસંગ પૂરો થઈ ગયા બાદ ફરિયાદી પાયલબેન તેના દાદાના દીકરા પ્રકાશભાઈ ચંદુભાઈ હમીરપરાના બાઈક નંબર જીજે ૩૬ એ ૨૫૫૮ માં પ્રકાશભાઈ અને તેના સગા બહેન હેતલબેન ચંદુભાઈ હમીરપરા સાથે જેતપર તરફ જવા માટે થઈને નીકળ્યા હતા ત્યારે જુના ધનાળા ગામના પાટીયાથી આગળના ભાગમાં રોંગ સાઈડમાં આવેલા ટ્રેક્ટર ચાલાકે તેઓના બાઇકને હડફેટે લેતા અકસ્માતનો બનાવ બન્યો હતો અને અકસ્માતના આ બનાવમાં બાઈક ઉપર બેઠેલા હેતલબેન ચંદુભાઈ હમીરપરાને ગંભીર ઇજાઓ થઇ હોવાથી તેનું ઘટના સ્થળે જ મોત નીપજયું હતું અને પાયલબેન હમીરપરા અને પ્રકાશભાઈ હમીરપરાને ઈજાઓ થઇ હોવાથી તેને સારવારમાં લઈને આવ્યા હતા અને સારવાર દરમ્યાન હાલમાં પ્રકાશભાઈ ચંદુભાઈ હમીરપરાનું પણ મોત નીપજયું છે જેથી અકસ્માતના આ બનાવમાં બે સગા ભાઈ-બહેનનું મોત થતાં હાલમાં હમીરપરામાં દિવાળીના પર્વ ઉપર શોકનું મોજુ ફરી વળ્યું છે
