વાંકાનેરના નવાપરામાં ઘરમાંથી ૧૩ ચાઈનીઝ ફિરકી સાથે એક શખ્સની ધરપકડ

વાંકાનેરના નવાપરા વિસ્તારમાં રહેતા શખ્સના ઘરમાં ચાઈનીઝ ફિરકીનો જથ્થો હોવા અંગેની હકીકત મળી હતી જેના આધારે પોલીસે ત્યાં રેડ કરી હતી ત્યારે સ્થળ ઉપરથી પ્રતિબંધિત ૧૩ ચાઈનીઝ ફીરકીઓ મળી આવતા પોલીસે ૬૫૦૦ ની કિંમતનો મુદ્દામાલ કબજે કર્યો હતો અને વાંકાનેર સિટી પોલીસ સ્ટેશન ખાતે જાહેરનામાના ભંગ સબબ ગુનો નોંધીને પોલીસ આગળની રાબેતા મુજબની કાર્યવાહી હાથ ધરી હતી

મોરબી જિલ્લામાં ચાઈનીઝ ફીરકીનું વેચાણ તથા ઉપયોગ કરવા ઉપર જિલ્લા કલેકટર દ્વાર પ્રતિબંધ મૂકતું જાહેરનામું પ્રસિદ્ધ કરવામાં આવ્યું છે તેમ છતાં પણ જુદા જુદા વિસ્તારોમાં પોલીસ દ્વારા ચેક કરવામાં આવે ત્યારે ત્યાંથી ચાઈનીઝ ફીરકીઓ મળી આવે છે અને છેલ્લા દિવસોમાં ટંકારા અને મોરબી વિસ્તારમાંથી ચાઈનીઝ ફીરકી સાથે કેટલાક શખ્સો મળી આવ્યા હોય તેમની સામે ગુના નોંધીને પોલીસ આગળની કાર્યવાહી હાથ ધરી હતી દરમિયાન વાંકાનેર શહેરમાં આવેલ નવાપરા વિસ્તારમાં રહેતા અનિલભાઈ મકવાણાના ઘરમાં ચાઈનીઝ ફીરકીનો જથ્થો હોવા અંગેની ચોક્કસ હકીકત મળી હતી જેના આધારે સ્થાનિક પોલીસ દ્વારા તેના ઘરની અંદર રેડ કરવામાં આવી હતી ત્યારે ઘરમાંથી પ્રતિબંધિત ૧૩ ચાઈનીઝ ફીરકી મળી આવી હોય પોલીસે ૬૫૦૦ ની કિંમતનો મુદામાલ કબજે કરેલ છે અને આરોપી અનિલભાઈ રમેશભાઈ મકવાણા જાતે કોળી (૨૧) રહે. નવાપરા વાંકાનેર વાળાની ધરપકડ કરી હતી અને તેની સામે જિલ્લા કલેકટરના જાહેરનામાંના ભંગ સબબ વાંકાનેર સિટી પોલીસ સ્ટેશન ખાતે ગુનો નોંધીને આગળની રાબેતા મુજબની કાર્યવાહી હાથ ધરી હતી

ભૂલથી ઝેરી દવા પી ગયો

મોરબીના ઘુટુ ગામ પાસે આવેલ એપોલો પેપર મીલમાં રહેતા અને મજૂરી કામ કરતાં પરિવારનું બાળક સાહત અનિલભાઈ (દોઢ વર્ષ) કોઈ કારણોસર રમતા રમતા ઝેરી દવા પી જતા તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરવામાં આવી હતી અને પોલીસે બનાવી નોંધ કરી આગળની કાર્યવાહી હાથ ધરી હતી આ બનાવની આગળની વધુ તપાસ તાલુકા પોલીસ સ્ટેશનના જે.પી. પટેલ ચલાવી રહ્યા છે