હળવદના કણબીપરા ઘરમાં સફાઈ કરતી મહિલાને શોર્ટ લગતા મોત

હળવદના કણબીપરા વિસ્તારમાં રહેતી મહિલા પોતે પોતાના ઘરે ફ્રિજના વાયરનો પ્લગ કાઢી રહી હતી ત્યારે ઇલેક્ટ્રીક શોટ લાગ્યો હતો જેથી કરીને મહિલાનું મોત નીપજયું હતું ત્યારબાદ તેના મૃતદેહને હળવદની સરકારી હોસ્પિટલ ખાતે લઈને આવ્યા હતા અને આ બનાવની મૃતકના પરિવારજન દ્વારા હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી મુજબ હળવદના કણબીપરા વિસ્તારમાં રહેતા પુષ્પાબેન નીતિનભાઈ પારેજીયા જાતે પટેલ (૪૦) નામના મહિલા પોતે પોતાના ઘરે હતા ત્યારે ઘરનું સફાઈ કામ કરતા સમયે તેઓ ફ્રીજના વાયરનો પ્લગ કાઢવા જતા સમયે તેઓને ઇલેક્ટ્રિક શોટ લાગ્યો હતો જેથી કરીને પુષ્પાબેન નીતિનભાઈ પારેજીયાનું મોત નીપજ્યું હતું અને આ બનાવ અંગેની મૃતકના પરિવારજન હરેશભાઈ શંકરભાઈ પારેજીયા જાતે પટેલ (૩૭) રહે. કણબીપરા હળવદ વાળાએ હળવદ તાલુકા પોલીસને જાણ કરતાં પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

યુવાનનું મોત

વાંકાનેરના રૂપાવટી ગામે રહેતા ગોરધનભાઈ હરજીભાઈ રાઠોડ (૪૫) ને લીવરની બીમારીના કારણે બેભાન થઈ જતા કુવાડવા પાસે આવેલ ગીરીરાજ હોસ્પિટલ ખાતે તેને સારવાર માટે લઈને ગયા હતા અને સારવાર દરમિયાન તેનું મોત નિપજ્યું હતું જેથી કરીને આ બનાવની હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી