મોરબી-ટંકારામાં ૫૨ બોટલ દારૂ સાથે બે પકડાયા, બે ની શોધખોળ શરૂ
Morbi Today
વાંકનેરમાં જુગારની બે રેડમાં પાંચ જુગારીઓ પકડાયા
SHARE
JOIN OUR GROUP
વાંકનેરમાં જુગારની બે રેડમાં પાંચ જુગારીઓ પકડાયા
વાંકાનેર શહેરના ટાઉનહોલ નજીક અને ઈંટોના ભઠ્ઠા વાળા વિસ્તારમાં જુગારની જુદી જુદી બે રેડ કરવામાં આવી હતી.ત્યારે કુલ મળીને પાંચ શખ્સો જુગાર રમતા મળી આવ્યા હતા.જેથી કરીને પોલીસે તેઓની પાસેથી રોકડ રકમ કબ્જે કરીને વાંકાનેર સિટી પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.
વધુમાં જાણવા મળતી વિગત પ્રમાણે વાંકાનેર શહેરમાં આવેલ ટાઉનહોલ પાછળ મચ્છુ નદીના કાંઠે જાહેરમાં જુગાર રમતા હોવા અંગેની હકીકત પોલીસને મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા છગનભાઈ પ્રાગજીભાઈ ખાંડેખા જાતે રાજગોર બ્રાહ્મણ (૬૦) રહે.વાંકાનેર ગાયત્રી મંદિર પાસે મફતપરા, રઘુભાઈ અમરશીભાઈ સારદીયા (૪૮) રહે.વાંકાનેર કુંભારપરા શેરી નંબર-૫ અને મેહુલભાઈ વિનયચંદ્ર મારૂ જાતે લુહાર (૪૨) રહે.વાંકાનેર નગર પાલીકા પાસે શાક માર્કેટ નીચે વાળાઓ જુગાર રમતા મળી આવ્યા હોય પોલીસે તેમની પાસેથી રોકડા રૂા.૨૨૩૦ કબ્જે કરીને જુગારધારા હેઠળ ગુનો નોંધી આગળની કાર્યવાહી હાથ ધરી છે.
તેમજ જુગારની બીજી રેડ વાંકાનેરમાં આવેલ ઈંટોના ભઠ્ઠા પાસે મચ્છુ નદીના પટ પાસે કરવામાં આવી હતી.ત્યાં જાહેરમાં જુગાર રમતા અબ્દુલભાઈ મુસાભાઇ દલ જાતે સંધી (ઉંમર વર્ષ ૬૦) અને ગોવિંદભાઈ પ્રેમજીભાઈ દેગામા જાતે કોળી (ઉંમર વર્ષ ૬૫) રહે. બંને વાંકાનેર વાળા જુગાર રમતા મળી આવ્યા હોય પોલીસે રૂા.૧૫૬૦ ની રોકડ કબ્જે કરીને વાંકાનેર સિટી પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી હતી.
