રાજ્યકક્ષાએ વાર્તા સ્પર્ધામાં મોરબીના વનાળીયા ગામની કાવ્યા પૈજાએ પ્રથમ સ્થાન મેળવ્યું
SHARE
JOIN OUR GROUP
રાજ્યકક્ષાએ વાર્તા સ્પર્ધામાં મોરબીના વનાળીયા ગામની કાવ્યા પૈજાએ પ્રથમ સ્થાન મેળવ્યું
જી.સી.ઈ.આર.ટી. ગાંધીનગર પ્રેરિત નિપુણ ભારત મિશન અંતર્ગત રાજ્ય કક્ષાની વાર્તા કથન સ્પર્ધા ૨૦૨૪ નું આયોજન જિલ્લા શિક્ષણ અને તાલીમ ભવન પંચમહાલ ખાતે કરવામાં આવ્યું હતું જેમાં મોરબી જિલ્લાની મોરબી તાલુકાની વનાળીયા પ્રાથમિક શાળાની વિદ્યાર્થીની પૈજા કાવ્યા અવિનાશભાઈએ પ્રાથમિક વિભાગમાં સમગ્ર ગુજરાત રાજ્ય કક્ષાએ પ્રથમ સ્થાન પ્રાપ્ત કરી ઝળહળતી સિધ્ધિ મેળવી સમગ્ર મોરબી જિલ્લાનું, જિલ્લા શિક્ષણ અને તાલીમ ભવન રાજકોટ તેમજ સૌરાષ્ટ્રનું ગૌરવ વધારેલ છે. અત્રે ઉલ્લેખનીય છે કે, પૈજા કાવ્યાએ આ સ્પર્ધાના પ્રારંભિક તબક્કાઓ જેમાં મોરબી જિલ્લામાં પ્રથમ સ્થાન મેળવી સૌરાષ્ટ્ર ઝોનનું પાલીતાણા શહેર ખાતે યોજાયેલ સ્પર્ધામાં પ્રતિનિધિત્વ કરેલ હતું ત્યાંથી સફળતાના સોપાનો સર કરી હવે સમગ્ર રાજ્ય કક્ષાએ પ્રથમ સ્થાન પ્રાપ્ત કરી ઉદાહરણ પૂરું પાડ્યું છે કે નાની શાળા ઉચ્ચ સિદ્ધિઓ આંબવામાં અવરોધરૂપ બનતી નથી આજના મોબાઇલ, સોશિયલ મીડિયા, સ્ટેટસ અને રિલ્સના યુગમાં વિસરાતી જતી વાર્તા કથન કળાને વહેતી રાખી સીમાચિન્હરૂપ ઉદાહરણ પૂરું પાડનાર પૈજા કાવ્યા તેમજ પિતા અવિનાશભાઈ (શિક્ષક વનાળિયા પ્રા.શાળા) અને માતા રીનાબેન (શિક્ષિકા બોરિયાપાટી પ્રા.શાળા)ને ઠેર ઠેરથી અભિનંદન મળી રહ્યા છે. #morbitoday
