મોરબીના જાંબુડીયા પાસે કારખાના નજીક જુગાર રમતા ચાર જુગારી પકડાયા

મોરબી તાલુકાના જાંબુડીયા ગામની સીમમાં સીરામીક કારખાના પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી અને ત્યારે સ્થળ ઉપરથી જુગાર રમતા ચાર શખ્સો મળી આવ્યા હતા જેથી પોલીસે ૩૨૫૦ રૂપિયાની રોકડ કબજે કરી હતી અને મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી તાલુકાના જાંબુડીયા ગામની સીમમાં આવેલ પલ સીરામીક પાસે જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરતા રાજકુમાર ભરતકુમાર સિંગ જાતે બ્રાહ્મણ (૨૮), મંજેશકુમાર રામબિલાસ સિંગ જાતે બ્રાહ્મણ (૩૨), સંજયકુમાર રામનુગરહ સિંગ જાતે બ્રાહ્મણ (૪૩) અને કુંદનકુમાર પ્રમોદસિંગ સિંગ જાતે બ્રાહ્મણ (૩૮) રહે. બધા હાલ પલ કારખાનાની ઓરડીમાં જાંબુડીયા મોરબી મૂળ રહે. બિહાર વાળા જુગાર રમતા મળી આવ્યા હતા જેથી કરીને પોલીસે તેની પાસેથી ૩૨૫૦ ની રોકડ કબજે કરી હતી અને જુગારધારા હેઠળ ગુનો નોંધી આગળની રાબેતા મુજબની કાર્યવાહી હાથ ધરી છે

વરલી જુગાર

મોરબી એ ડિવિઝન પોલીસ સ્ટેશન સામેના ભાગમાં આવેલ કબીર ટેકરી શેરી નં-૧ માં વરલી જુગારના આંકડા લેવામાં આવતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે વરલી જુગારના આંકડા લેતા સલીમભાઈ મુબારકભાઈ ચાનિયા જાતે સંધિ (૪૯) રહે. કબીર ટેકરી શેરી નં-૧ વાળો મળી આવતા પોલીસે તેની પાસેથી ૭૫૦ રૂપિયાની રોકડ કબજે કરી હતી અને આ શખ્સ દ્વારા દીપકભાઈ રહે. વાવડી રોડ મોરબી વાળા પાસે કપાત કરાવવામાં આવતી હોવાનું સામે આવ્યું હતું જેથી તેને પકડવા માટે ગુનો નોંધી પોલીસે આગળની કાર્યવાહી કરેલ છે