મોરબીના લાભનગરની બાજુમાં મકાન પાછળથી દારૂની ૭૦ બોટલ સાથે એક આરોપીની ધરપકડ

મોરબીમાં વેજીટેબલ રોડ ઉપર આવેલ લાભનગરની બાજુમાં મંદિર સામે મકાનની પાછળના ભાગમાં આવેલ બાવળની જાળીમાં દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની ૭૦ બોટલો મળી આવી હતી જેથી કરીને પોલીસે ૨૮,૫૦૦ રૂપિયાની કિંમતનો દારૂનો જથ્થો કબજે કર્યો હતો અને સ્થળ ઉપરથી એક આરોપીની ધરપકડ કરી હતી અને મોરબી બી ડિવિઝન પોલીસ સ્ટેશન ખાતે ગુનો નોંધી રાબેતા મુજબની કાર્યવાહી હાથ ધરી છે

જાણવા મળતી માહિતી મુજબ મોરબી બી ડિવિઝન પોલીસની ટીમ પેટ્રોલિંગમાં હતી ત્યારે મોરબીના વેજીટેબલ રોડ ઉપર લાભનગરની બાજુમાં મંદિર સામે બાવળની જાળીમાં દારૂનો જથ્થો હોવા અંગેની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે કેશુભાઈ દેગામાના ઘરની પાછળના ભાગમાં બાવળની જાળીમાંથી દારૂની ૭૦ બોટલો મળી આવી હતી જેથી પોલીસે ૨૮,૫૦૦ ની કિંમતનો દારૂનો જથ્થો સ્થળ ઉપરથી કાળજે કર્યો હતો અને આરોપી કેશુભાઈ રમેશભાઈ દેગામા જાતે કોળી (૨૮) રહે. વેજીટેબલ રોડ લાભનગરની બાજુમાં મંદિર સામે મોરબી વાળાની ધરપકડ કરી હતી અને તેની સામે મોરબી બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે અને તેની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં પોલીસ દ્વારા તપાસ તજવીજ શરૂ કરવામાં આવી છે