નેશનલ સાયન્સ કોન્ફર્ન્સમાં મોરબી જિલ્લાની એલીટ સાયન્સ કોલેજનો દબદબો
Morbi Today
ટંકારા તાલુકાના લજાઈ પાસે વિજકંપનીના જોઈન્ટ મેનેજિંગ ડિરેક્ટરને નડ્યો અકસ્માત
SHARE
JOIN OUR GROUP
ટંકારા તાલુકાના લજાઈ પાસે વિજકંપનીના જોઈન્ટ મેનેજિંગ ડિરેક્ટરને નડ્યો અકસ્માત
મોરબી રાજકોટ હાઇવે ઉપર આવેલ લજાઈ ગામ પાસે હોટલ નજીક પીજીવીસીએલના જોઈન્ટ મેનેજિંગ ડિરેક્ટર તેમના ડ્રાઇવર સાથે ગાડીમાં કચ્છ તરફ જઈ રહ્યા હતા ત્યારે અન્ય કાર ચાલકે તેઓની ગાડીમાં વાહન અથડાવ્યું હતું જેથી તેઓની ગાડીમાં નુકસાની થઈ હતી જે બાબતે હાલમાં ટંકારા તાલુકા પોલીસ સ્ટેશન ખાતે અકસ્માત સર્જનાર કાર ચાલક સામે ગુનો નોંધાયો છે જેથી કરીને આરોપીને પકડવા માટે પોલીસે તજવીજ શરૂ કરી છે
બનાવની જાણવા મળતી માહિતી પ્રમાણે મોરબીમાં આવેલ જીઈબીના ક્વાર્ટરમાં રહેતા એક્ઝિક્યુટિવ એન્જિનિયર જયેશગીરી ચંદ્રકાંતગીરી ગોસ્વામી જાતે બાવાજી (૪૧)એ હાલમાં ટંકારા તાલુકા પોલીસ સ્ટેશન ખાતે એક્સેન્ટ ગાડી નંબર જીજે ૩ જેસી ૧૮૮૮ ના ચાલક માનવ પ્રશાંતભાઈ વઘાડિયા રહે. મોરબી વાળાની સામે ફરિયાદ નોંધાવી છે જેમાં તેણે જણાવ્યું છે કે રાજકોટથી પીજીવીસીએલના જોઈન્ટ મેનેજિંગ ડિરેક્ટર તેમના ડ્રાઇવર સાથે ગાડી નંબર જીજે ૩ સીઇ ૮૭૨૨ લઈને કચ્છ તરફ જઈ રહ્યા હતા દરમિયાન લજાઈ ગામ પાસે આવેલ કમ્ફર્ટ હોટલની સામેના ભાગમાં રોડ ઉપર તેઓની ગાડીમાં પાછળથી એક્સન્ટ ગાડીના ચાલકે વાહન અથડાવ્યું હતું જેથી કરીને અકસ્માતમાં બનાવ બન્યો હતો અને અકસ્માતના બનાવમાં પીજીવીસીએલના જોઈન્ટ મેનેજિંગ ડિરેક્ટરની ગાડીમાં નુકસાની થઈ હતી જેથી કરીને હાલમાં વીજ કંપનીના અધિકારી દ્વારા નોંધાવવામાં આવેલ ફરિયાદ આધારે પોલીસે અકસ્માત સર્જનાર કાર ચાલક સામે ગુનો નોંધી આરોપીને પકડવા માટે તજવીજ શરૂ કરી છે અને આ અંગેની આગળની વધુ તપાસ ટંકારા તાલુકા પોલીસ સ્ટેશનના એસ.બી. સીદીકી ચલાવી રહ્યા છે
વરલી જુગાર
માળીયા તાલુકાના ખાખરેચી ગામે ઉગમણા જાપા પાસે ઠાકોર સમાજની વાડી નજીક વરલી જુગારના આંકડા લેવામાં આવતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ભરતભાઈ ઉર્ફે પાકો નાનજીભાઈ સીસણોદા જાતે કોળી (૩૮) રહે ખાખરેચી તાલુકો માળીયા વાળો વરલી જુગારના આંકડા લેતા મળી આવ્યો હતો જેથી કરીને પોલીસે તેની પાસેથી ૨૭૨૦ રૂપિયાની રોકડ કબજે કરી માળિયા મીયાણા તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે
