હળવદના કેદારીયા નજીક ટ્રક ચાલકે બાઇકને ટક્કર મારતા દંપતિ અને તેના દીકરાને ઇજા થતાં સારવારમાં: ગુનો નોંધાયો
SHARE
JOIN OUR GROUP
હળવદના કેદારીયા નજીક ટ્રક ચાલકે બાઇકને ટક્કર મારતા દંપતિ અને તેના દીકરાને ઇજા થતાં સારવારમાં: ગુનો નોંધાયો
હળવદ તાલુકાના કેદારીયા ગામ નજીક હનુમાનજી મંદિરથી થોડ આગળના ભાગમાં દંપતી અને તેનો દીકરો બાઈક ઉપર જઈ રહ્યા હતા ત્યારે તેના બાઈકને પાછળથી ટ્રક ચાલકે ટક્કર મારી હતી જેથી કરીને દંપતી અને તેના બાળકને ઇજાઓ થઈ હોવાથી તેને સારવાર માટે હોસ્પિટલે લઈ ગયા હતા અને ત્યાં સારવાર લીધા બાદ ભોગ બનેલ મહિલાએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરી છે.
બનાવની જાણવા મળતી માહિતી મુજબ હળવદ તાલુકાના કેદારીયા ગામે રહેતા કૈલાસબેન જયંતીભાઈ ઉપસારીયા જાતે કોળી (૪૭)એ હાલમાં ટ્રક નંબર જીજે ૧૨ બિઝેડ ૯૯૨૭ ના ચાલક સામે ફરિયાદ નોંધાવી છે જેમાં તેને જણાવ્યુ છે કે, તેઓ તેના પતિ જયંતીભાઈ પોપટભાઈ ઉપસરિયાના બાઈક નંબર જીજે ૧૩ જેજે ૦૭૬૫ માં બેસીને કેદારીયા ગામ પાસે આવેલ હનુમાન મંદિરથી આગળના ભાગમાં પસાર થઈ રહ્યા હતા ત્યારે તેઓના બાઈકમાં તેનો દીકરો પ્રકાશ (૧૦) પણ સાથે બેઠેલો હતો દરમિયાન ટ્રક ચાલકે પાછળથી તેઓના બાઈકમાં ટક્કર મારી હતી જેથી કરીને અકસ્માતનો બનાવ બન્યો હતો અને અકસ્માતના બનાવમાં ફરિયાદી મહિલા તેના પતિ અને દીકરાને ઇજાઓ થઈ હતી જેથી કરીને ઇજાગ્રસ્ત હાલતમાં તેઓને સારવાર માટે હોસ્પિટલે ખસેડવામાં આવ્યા હતા અને સારવાર લીધા બાદ હાલમાં ભોગ બનેલ મહિલાએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે આ અંગેની આગળની વધુ તપાસ એમ.એમ. સદાદિયા ચલાવી રહ્યા છે.
