હળવદના ગ્રામ્ય વિસ્તારમાંથી સગીરાનું અપહરણ

હળવદ તાલુકાના ગ્રામ્ય વિસ્તારમાં વાડીમાં રહીને મજૂરી કામ કરતા યુવાનની સગીર વયની દીકરીનું લલચાવી ફોસલાવીને અપહરણ કરવામાં આવ્યું છે જેથી કરીને ભોગ બનેલા યુવાન દ્વારા હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે ગુનો નોંધીને સગીરાને શોધવા અને આરોપીને પકડવા માટે તજવીજ શરૂ કરી છે

જાણવા મળતી માહિતી મુજબ મૂળ છોટાઉદેપુર જિલ્લાના રહેવાસી અને હાલમાં હળવદ તાલુકાના ગ્રામ્ય વિસ્તારની અંદર ખેતીમાં મજૂરી કામ કરતા અને ત્યાં રહેતા યુવાનની સગીર વયની દીકરીનું લલચાવી ફોસલાવીને અપહરણ કરવામાં આવ્યું છે જેથી કરીને ભોગ બનેલા યુવાન દ્વારા ગત તા. ૧૪/૧/૨૪ ના રાતના ૧૧ થી લઈને બીજા દિવસે સવારના ૪:૦૦ વાગ્યા સુધીના સમયગાળા દરમિયાન તેની દીકરીનું અપહરણ કરવામાં આવ્યું હતું જેથી કરીને તેઓ તેની દીકરીને શોધતા હતા જોકે તેનો કોઈ જગ્યાએથી પતો લાગી આવેલ નથી જેથી કરીને ભોગ બનેલ યુવાન દ્વારા હળવદ તાલુકા પોલીસ સ્ટેશન ખાતે તેની દીકરીનું અપહરણ અક્ષય શૈલેષભાઈ રાઠવા રહે. ગુંદાવાળા તાલુકો છોટાઉદેપુર વાળાએ અપહરણ કર્યું હોવા અંગેની ફરિયાદ નોંધાવી છે જેના આધારે પોલીસે આરોપીને પકડવા માટે અને સગીરાને શોધવા માટે તજવીજ શરૂ કરી છે