મોરબીના એસપી રોડે બાઇક આડે રોજડું આવતા અકસ્માત: ઇજા પામેલ યુવાન સારવારમાં

મોરબીના એસપી રોડ ઉપરથી યુવાન બાઇક લઈને પસાર થઈ રહ્યો હતો ત્યારે તેના બાઈકની આડે રોજડુ ઉતર્યું હતું જેથી કરીને બાઇક રોજડા સાથે અથડાતા અકસ્માતનો બનાવ બન્યો હતો અને તેમાં ઈજા પામેલા યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાર બાદ આ બનાવની મોરબી સીટી એ ડિવિઝન પોલીસને જાણ કરવામાં આવી છે

બનાવની જાણવા મળતી માહિતી મુજબ મોરબીના રવાપર રોડ ઉપર આવેલ કાલિકા પ્લોટ પાછળ શિવ સોસાયટીમાં રહેતા ફૈઝલભાઈ ફિરોજભાઈ (૨૪) નામનો યુવાન મોરબીના રવાપર ગામ નજીક આવેલ એસપી રોડ ઉપરથી બાઈક લઈને પસાર થઈ રહ્યો હતો ત્યારે તેના બાઈકની આડે રોજડુ ઉતરતા રોજડા સાથે બાઈક અથડાયું હતું જેથી અકસ્માતનો બનાવ બન્યો હતો અને અકસ્માતના બનાવમાં ફેજલભાઇને ઇજાઓ થઇ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે આ બનાવની આગળની વધુ તપાસ સ્થાનિક પોલીસને સોંપવામાં આવી છે

અકસ્માતમાં ઇજા

મોરબીના નગર દરવાજા ચોક પાસેથી બાઈકમાં બેસીને સીતાપરા પંચાલભાઈ દેવજીભાઈ (૮૨)  નામના વૃદ્ધ પસાર થઈ રહ્યા હતા ત્યારે કોઈ કારણોસર અકસ્માતે તેઓ બાઈકમાંથી નીચે પટકાતા તેને શરીરે ઇજાઓ થઇ હોવાથી સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની વધુ તપાસ એચ.એમ. ચાવડા ચલાવી રહ્યા છે