ટંકારા તાલુકાનો ચકચારી બંગાવડી સિંચાઈ કેસમાં ૮૮ આરોપીઓને શંકાનો લાભ આપીને છોડી મુકવા કોર્ટનો આદેશ
Morbi Today
મોરબી નજીકના ગ્રામ્ય વિસ્તારમાંથી સગીરાનું અપરણ કરનાર મહેસાણાથી ઝડપાયો
SHARE
JOIN OUR GROUP
મોરબી નજીકના ગ્રામ્ય વિસ્તારમાંથી સગીરાનું અપરણ કરનાર મહેસાણાથી ઝડપાયો
મોરબી નજીકના એક ગ્રામ્ય વિસ્તારમાં રહીને કારખાનાની અંદર મજૂરી કામ કરતા મૂળ પાટણના પરિવારની સગીરાનું લલચાવી ફોસલાવીને બદકામ કરવાના ઇરાદે અપહરણ કરી જવામાં આવ્યું હતું.જે સંદર્ભમાં ભોગ બનેલ પરિવાર દ્વારા તાલુકા પોલીસ મથક ખાતે ફરિયાદ નોંધાવવામાં આવી હતી જેની તપાસ દરમિયાન એસસીએસટી સેલના ડીવાયએસપી દ્વારા આરોપીની મહેસાણા ખાતેથી ધરપકડ કરવામાં આવી હતી.
ઉપરોક્ત બનાવની મોરબી તાલુકા પોલીસ સુત્રો તેમજ એસસીએસટી વિભાગમાંથી મળતી માહિતી પ્રમાણે મોરબી નજીકના ગ્રામ્ય વિસ્તારમાં આવેલ એક કારખાનામાં રહીને મજૂરી કામ કરતા અને મૂળ પાટણના પરિવારની સગીરવયની દીકરીને લલચાવી ફોસલાવીને બદકામ કરવાના ઇરાદે અપહરણ કરી જવામાં આવ્યુ હતુ.જે અંગે થોડા દિવસો પહેલા ભોગ બનેલ સગીરાના પરિવાર દ્વારા ફરિયાદ નોંધાવવામાં આવતા પોલીસે પોકસો, એટ્રોસિટી, અપહરણ તેમજ દુષ્કર્મ સંદર્ભે ગુનો નોંધ્યો હતો.જેની તપાસ એસસીએસટી સેલના ડીવાયએસપી પી.એ.ઝાલા ચલાવી રહ્યા છે.બનાવના થોડા દિવસો બાદ ભોગ બનેલ સગીરા તેના પરિવારજનોને સોંપી આપવામાં આવી હતી.હાલમાં મળતી માહિતી પ્રમાણે ઉપરોક્ત ગુનામાં વનરાજસિંહ ઉર્ફે નાનુભા બચુભા ઝાલા (ઉંમર ૨૩) રહે.ધુમાસણ તા.કડી જી.મહેસાણાની ધરપકડ કરેલ છે.ભોગ બનેલ પરિવાર પણ મહેસાણાના પાટણનો વતની છે અને ત્યાંથી સંપર્કમાં આવ્યા બાદ સગીરા પરિવાર સાથે હાલ મોરબી રહીને મજૂરી કામ કરતી હોય અહીં મોરબી ખાતેથી તેણીનું અપહરણ કરી જવામાં આવ્યુ હતુ.હાલ વનરાજસિંહ ઝાલાની ધરપકડ કરીને પોલીસ દ્વારા આગળની તજવીજ શરૂ કરાયેલ છે.
