મોરબીના રફાળેશ્વર નજીક ટ્રક ચાલકે ચાર વાહનોને હડફેટે લેતા બધા વાહનોમાં નુકશાન: કોઈ જાનહાનિ નહીં
Morbi Today
ટંકારાના હડમતિયા ગામે આવેલ બ્રાન્ચ પોસ્ટ ઓફિસના મહિલા પોસ્ટ માસ્તરે કરી ૯૯ હજારની ઉચાપત
SHARE
JOIN OUR GROUP
ટંકારાના હડમતિયા ગામે આવેલ બ્રાન્ચ પોસ્ટ ઓફિસના મહિલા પોસ્ટ માસ્તરે કરી ૯૯ હજારની ઉચાપત
ટંકારા તાલુકાના હડમતીયા ગામે આવેલ પોસ્ટ ઓફિસમાં બ્રાન્ચ પોસ્ટ માસ્તર તરીકે ફરજ બજાવતા મહિલા કર્મચારીએ ગ્રાહકો પાસેથી રૂપિયા લઈને તેઓની પાસબુકમાં સિક્કા કરી આપ્યા હતા જોકે તે રૂપિયા સરકારી તિજોરીમાં જમા કરાવ્યા ન હતા અને પોતાના અંગત લાભ માટે વાપર્યા હતા જેથી કરીને ૯૯ હજાર રૂપિયાનો વિશ્વાસઘાત સરકાર તથા ગ્રાહક સાથે કરેલ હોવાથી પોસ્ટ વિભાગના કર્મચારી દ્વારા હાલમાં ટંકારા તાલુકા પોલીસ સ્ટેશન ખાતે હડમતીયા બ્રાન્ચ પોસ્ટ ઓફિસના પોસ્ટ માસ્તર સામે વિશ્વાસઘાત અને નાણાની ઉચાપતની ફરિયાદ નોંધાવવામાં આવતા પોલીસે આરોપીને પકડવા માટે તજવીજ શરૂ કરી છે
જાણવા મળતી વિગત પ્રમાણે રાજકોટમાં રાધે શ્યામ સોસાયટી શેરી નંબર-૧ કોઠારીયા મેઇન રોડ ઉપર રહેતા અને પોસ્ટ વિભાગમાં ફરજ બજાવતા ભાવિનભાઈ ભરતભાઈ ગોહેલ જાતે દરજી (૩૫) એ હાલમાં ટંકારા તાલુકાના હડમતીયા ગામે આવેલ પોસ્ટ ઓફિસના બ્રાન્ચ પોસ્ટ માસ્તર દીપાબેન એમ. ત્રિવેદી રહે વાવડી તાલુકો મોરબી વાળાની સામે વિશ્વાસઘાત અને નાણાની ઉચાપતની ફરિયાદ નોંધાવેલ છે જેમાં તેણે જણાવ્યું છે કે હડમતીયા ગામે આવેલ પોસ્ટ ઓફિસ ખાતે બ્રાન્ચ પોસ્ટ માસ્તર તરીકે દીપાબેન ત્રિવેદી ફરજ બજાવતા હતા ત્યારે ગ્રાહક સોનલબેન ચિરાગભાઈ વાળાએ ૨૧,૦૦૦ તથા ઉષાબેન હરગોવિંદભાઈ વાળાએ ૭૮,૦૦૦ આમ કુલ મળીને ૯૯ હજાર રૂપિયા પોસ્ટ વિભાગમાં જમા કરાવવા માટે થઈને તેઓને આપ્યા હતા તેની સામે દીપાબેન ત્રિવેદીએ તેઓની પાસબુકમાં સહી સિક્કા કરી આપ્યા હતા અને તે રૂપિયા સરકારી તિજોરીમાં જમા કરાવવાના બદલે પોતાના અંગત ઉપયોગમાં લીધેલ હતા આમ ગ્રાહક તથા સરકાર સાથે વિશ્વાસઘાત કરી નાણાની ઉચાપત કરેલ છે જેથી કરીને હડમતીયા ગામે આવેલ પોસ્ટ ઓફિસના બ્રાન્ચ પોસ્ટ માસ્તર દીપાબેન ત્રિવેદી સામે પોસ્ટ વિભાગના કર્મચારીએ ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
