વાંકાનેરના તરકીયા ગામે ખનન કરવા પાથરી રાખેલ વિસ્ફોટકનો પોલીસે કોર્ટની મંજુરી સાથે નાશ કર્યો
SHARE
JOIN OUR GROUP
વાંકાનેરના તરકીયા ગામે ખનન કરવા પાથરી રાખેલ વિસ્ફોટકનો પોલીસે કોર્ટની મંજુરી સાથે નાશ કર્યો
વાંકાનેર તાલુકાનાં તરકીયા ગામે રેડ કરી હતી ત્યારે સરકારી ખરાબાની જમીનમાંથી ગેરકાયદે બ્લાસ્ટ કરીને પથ્થર કાઢતા હોવાનું સામે આવ્યું હતું અને ત્યારે 418 જીલેટીન સ્ટીક કબ્જે કરી હતી જો કે, 14 ખાડામાં જીલેટીન સ્ટીક બ્લાસ્ટ કરવા માટે ચાર્જ કરીને ડિટોનેટર મૂકવામાં આવ્યા હતા તેનો કોર્ટની મંજૂરી સાથે પોલીસે નાશ કરેલ છે
મોરબી જિલ્લાના વાંકાનેર તાલુકાનાં તરકીયા ગામે ઓળ નામથી ઓળખાતી સરકારી ખરાબાની સીમમાં થોડા દિવસો પહેલા એસઓજીની ટીમે રેડ કરી હતી ત્યારે સર્વે નંબર 163-1 પૈકી 24 ની જમીનમાંથી કોઈ જાતની લીજ કે આધાર વગર પથ્થરો કાઢતા હોવાનું સામે આવ્યું હતું અને ત્યાંથી જે તે સમયે ચાર શખ્સોને પકડવામાં આવ્યા હતા અને તેની પાસેથી બીજાસન એપ્લોટેચ પ્રાઈવેટ લીમીટેડ કંપનીની 83 એમ એમ ની 78 કિલો વજનની 418 જીલેટીન સ્ટીક મેળવી હતી.
આ આરોપીઓએ ત્યાં બ્લાસ્ટ કરવા માટે 57 ખાડા ખોદીને રાખ્યા હતા અને તેમાંથી 14 ખાડામાં 25 કિલો વિસ્ફોટક બ્લાસ્ટ માટે ભરીને રાખવામા આવ્યું હતું અને ડિટોનેટર પણ તેની સાથે કનેક્ટ હતા જેથી તેને કાઢવા જાય તો બ્લાસ્ટ થાય તેવી શ્ક્યતા હતી. જેથી કરીને પોલીસે કોર્ટમાંથી મંજૂરી મેળવીને જાહેરનામું બહાર પાડીને લોકોની અવરજવર બંધ કરાવ્યા બાદ પોલીસે ડિટોનેટર બ્લાસ્ટ કરીને વિસ્ફોટકનો નાશ કર્યો હતો
