ગુજરાત કોંગ્રેસનાં પ્રમુખ મોરબીમાં આવાસ યોજનાના અધૂરા કામની મુલાકત લીધી પછી અધિકારી શું કર્યું ?
Morbi Today
રક્ષાબંધન એસટીને ફળી: મોરબી ડેપોમાં એક જ દિવસમાં 4.73 લાખની આવક
SHARE
JOIN OUR GROUP
રક્ષાબંધન એસટીને ફળી: મોરબી ડેપોમાં એક જ દિવસમાં 4.73 લાખની આવક
મોરબી એસટી ડેપો દ્વારા રક્ષાબંધન નિમિત્તે જુદા જુદા રૂટ ઉપર એકસ્ટ્રા બસો મૂકવામાં આવી હતી તેમજ જે રોજિંદા બસો દોડતી હોય છે તેમાં મુસાફરોનો ઘસારો હતો જેથી કરીને મોરબી એસટી ડેપોની આવકમાં ધરખમ વધારો થયો છે. અને એક દિવસમાં અંદાજે સવા લાખ જેટલી આવક મોરબી એસટી ડેપોમાં વધી હતી. અને સોમવારના દિવસ દરમિયાન 4.73 લાખ રૂપિયાની આવક મોરબી એસટી ડેપોમાં નોંધાયેલ છે.
રક્ષાબંધનની ઉજવણી માટે થઈને બહેનો ભાઈના ઘરે જતી હોય છે અને તેને લઈને એસટીમાં મુસાફરોની સંખ્યા વધતી હોય છે ત્યારે મુસાફરોને કોઈ પણ પ્રકારની હાલાકીનો સામનો કરવો ન પડે તે માટે ચોક્કસ રૂટ ઉપર એક્સ્ટ્રા બસો પણ એસટી વિભાગ દ્વારા મુકવામાં આવતી હોય છે ત્યારે મોરબી એસટી ડેપોની વાત કરીએ તો મોરબી એસટી ડેપો દ્વારા રક્ષાબંધન પર્વે મોરબીથી દાહોદની બે, અમદાવાદની બે અને દ્વારકાની એક એક્સ્ટ્રા બસ મુકવામાં આવી હતી તે ઉપરાંત રોજિંદા જે બસો ચાલતી હોય છે તેમાં પણ મુસાફરોનો ઘસારો હોવાના કારણે મોરબી એસટી ડેપોની આવકમાં સવા લાખ રૂપિયાનો વધારો જોવા મળ્યો હતો.
મોરબી એસટી ડેપોના મેનેજર અનિલભાઈ રબારી સાથે વાત કરતા તેમણે જણાવ્યું હતું કે, મોરબી એસટી ડેપો દ્વારા દરરોજ 17 હજાર કિલોમીટરના જુદા જુદા રૂટ ઉપર એસટી બસોનું સંચાલન કરવામાં આવતું હોય છે જેના થકી મોરબી એસટી ડેપોને દૈનિક અંદાજે સાડા ત્રણ લાખ રૂપિયાની આવક થતી હોય છે જોકે, રક્ષાબંધનના દિવસે મોરબી એસટી ડેપોને એક્સ્ટ્રા બસોનું સંચાલન તથા દૈનિક રૂટ ઉપર ચાલતી બસોનું સંચાલન કરવાથી 4.73 લાખની આવક થયેલ છે આમ રક્ષાબંધન પર્વે એક જ દિવસમાં મોરબી એસટી ડેપોની આવકમાં સવા લાખ રૂપિયાનો વધારો થયેલ છે.
