ટંકારાના નસીતપર ગામે ઝેરી દવા પી ગયેલ યુવાન સારવારમાં
SHARE
JOIN OUR GROUP
ટંકારાના નસીતપર ગામે ઝેરી દવા પી ગયેલ યુવાન સારવારમાં
ટંકારા તાલુકાના નસીતપર ગામે રહેતો યોગેશ જાદવજીભાઈ લાડોલા (22) નામનો યુવાન પોતે પોતાના ઘરે હતો ત્યારે કોઈ કારણસર ઝેરી દવા પી જતા તેને સારવાર માટે મોરબીની ખાનગી હોસ્પિટલમાં લઇ આવ્યા હતા અને આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી હતી અને આ બનાવની પ્રાથમિક તપાસ વિપુલ પટેલ દ્વારા કરવામાં આવી હતી જોકે, બનાવ ટંકારા તાલુકા પોલીસની હદનો હોય ત્યાં બનાવની જાણ કરવામાં આવી છે
મારા મારીમાં ઇજા
મોરબીના વીસીપરા વિસ્તારની અંદર રહેતા કૌશલબેન ઇમરાનભાઈ અજમેરી (30) નામની મહિલાને મોરબીના કાલિકા પ્લોટ વિસ્તારમાં મારામારીના બનાવમાં ઈજા થઈ હતી અને ઇજા પામેલ મહિલાને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી એ ડિવિઝન પોલીસને જાણ કરી છે.
બાઈકમાંથી પડી જતાં ઇજા
મોરબીના ટિંબડી ગામના પાટીયા પાસે રહેતા રુક્ષ્મણીબેન નાનજીભાઈ (66) નામના વૃદ્ધા બાઈકમાં પાછળના ભાગે બેસીને મહેન્દ્રનગર ગામ પાસેથી પસાર થઈ રહ્યા હતા ત્યારે કોઈ કારણોસર બાઈકમાંથી નીચે પડી જતા તેમને ઇજા થયેલ હતી જેથી કરીને તેને સારવાર માટે મોરબીની સિવિલ હોસ્પિટલમાં લઈને આવ્યા હતા અને તેને સારવાર આપીને આ બનાવની મોરબી તાલુકા પોલીસને જાણ કરી છે.
