મોરબી નજીક કારખાનામાં સુપરવાઈઝરે ઠપકો દેતા થીનર પી ગયેલ યુવતી સારવારમાં
Morbi Today
મોરબીમાં હોટલ પાસે બેઠેલા મિત્રો પાસેના હથિયારમાંથી મિસ ફાયરિંગ થતા ઇજાગ્રસ્ત યુવાન સારવારમાં
SHARE
JOIN OUR GROUP
મોરબીમાં હોટલ પાસે બેઠેલા મિત્રો પાસેના હથિયારમાંથી મિસ ફાયરિંગ થતા ઇજાગ્રસ્ત યુવાન સારવારમાં
મોરબીમાં હોટલ પાસે મિત્રો બેઠા હતા તે સમયે હથિયારમાંથી મિસ ફાયરિંગ થતાં ઇજા પામેલ યુવાનને સારવારમાં ખસેડાયો છે.
મોરબીના બાયપાસ રોડ ઉપર આવેલી હોટલ પાસે મિત્રો બેઠા હતા ત્યારે ત્યાં બેઠેલા મિત્રો પૈકીના એક વ્યક્તિ પાસે રહેલ હથિયારમાંથી ફાયરિંગ થયું હતું.જેથી કરીને યુવાનને પગના ભાગે ઇજા થઈ હોવાથી તેને મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે સારવાર માટે લઈને આવ્યા છે અને આ બનાવની એ ડીવીજન પોલીસને જાણ કરતા પોલીસની ટીમ ઘટના સ્થળ અને હોસ્પિટલએ પહોંચી છે અને આગળની કાર્યવાહી હાથ ધરી છે.
વધુમાં જાણવા મળતી વિગતો પ્રમાણે મોરબીના બાયપાસ રોડ ઉપર આવેલ હોથલ હોટલ પાસે મિત્રો બેઠા હતા ત્યારે ત્યાં હાજર રહેલા વ્યક્તિઓ પૈકીના એક વ્યક્તિ પાસે રહેલ હથિયાર જોતા હતા. તે સમયે કોઈપણ કારણોસર તે હથિયારમાંથી ફાયરિંગ થઈ ગયું હતું.જેથી કરીને એક વ્યક્તિને પગના ભાગે ઈજા થઈ હતી અને ઇજા પામેલા વ્યક્તિને સારવાર માટે મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા છે અને આ બનાવ અંગેની મોરબી સીટી એ ડીવીજન પોલીસને જાણ થતા પોલીસની ટીમ ઘટના સ્થળે પહોંચી છે.ઇજાગ્રસ્ત વ્યક્તિ સારવાર હેઠળ હોય બનાવ કઈ રીતે બન્યો હતો..? તે દિશામાં તપાસ હાથ ધરી છે.તેની સાથો સાથ જે હથિયારમાંથી ફાયરિંગ થયું છે તે હથિયાર લાયસન્સ વાળું હતું કે કેમ..? તે દિશામાં પણ પોલીસ દ્વારા તપાસ હાથ ધરવામાં આવી રહી છે.
અત્રે નોંધનીય છે કે, મોરબીની અંદર "ફટકડી" રાખવાનો યુવાનો અને પૈસાદાર વર્ગમાં ક્રેઝ જોવા મળી રહ્યો છે. જરૂર હોય કે કોઈ તરફથી ભય હોય કે ન હોય યેનકેન પ્રકારે શોર્ટકટ અપનાવીને કે અધિકારીઓનો "છેડો" ગોતીને કે "ખર્ચો" કરીને પણ કમરે ફટકડી બાંધીને પોતાની શાન સમજતા લોકોનો મોરબીમાં વધારો થઈ ગયો હોય ફટાકડીના લાઇસન્સો આપવામાં બ્રેક મારવી જરૂરી બની છે.
