મોરબીના બિલીયા ગામે મોડપરીયા ભટ્ટ પરિવારના સુરાપુરા દાદાની જગ્યામાં દશાંશ હવન યોજાયો
Morbi Today
મોરબીના પીપળી રોડે અજાણ્યા વાહન ચાલકે બાઇકને હડફેટે લેતા જમીને પરત જઈ રહેલા યુવાનનું મોત
SHARE
JOIN OUR GROUP
મોરબીના પીપળી રોડે અજાણ્યા વાહન ચાલકે બાઇકને હડફેટે લેતા જમીને પરત જઈ રહેલા યુવાનનું મોત
મોરબીના જેતપર રોડ ઉપર વાહન અકસ્માતનો બનાવ બન્યો હતો જેમાં ગત રાત્રિના યુવાન બાઇક લઈને જમવા માટે ગયો હતો અને તે પરત પોતે જે કારખાનામાં રહેતો હતો ત્યાં બાઇક લઈને જઈ રહ્યો હતો ત્યારે કોઈ અજાણ્યા વાહન ચાલકે તેને હડફેટે લીધો હતો જેથી તે યુવાનને ગંભીર ઇજા થવાથી તેનું મોત નીપજયું હતું.
મોરબી તાલુકા પોલીસ મથકના એ.પી. જાડેજા તથા સ્ટાફ પાસેથી મળતી માહિતી મુજબ મૂળ જામનગરના રહેવાસી અને હાલ છેલ્લા કેટલાક સમયથી મોરબીના જેતપર પીપળી રોડ ઉપર આવેલા સ્કાય સીરામીક ખાતે રહીને ત્યાં મજૂરી કામ કરતો હરેશ હમીરભાઇ ઠુંગા નામનો 20 વર્ષનો યુવાન બાઈક લઈને રાત્રિના દસેક વાગ્યાના અરસામાં જમવા માટે ગયો હતો અને જમીને તે પરત ફરતો હતો ત્યારે ત્યાં પીપળી રોડ સ્કાય સિરામિક નજીક કોઈ અજાણ્યા વાહન ચાલકે તેના બાઇકને હડફેટે લેતા વાહન અકસ્માતના બનાવ બનેલ હતો જેમાં તે યુવાનને ઇજા થયેલ હતી જેથી તેનું મોત નીપજ્યું હતું આ બનવાની મોરબી તાલુકા પોલીસે નોંધ કરીને આગળની કાર્યવાહી કરી છે.
વૃદ્ધા સારવારમાં
વાંકાનેરના પલાસડી ગામે સરધારકા રોડ ઉપર રહેતા હલુબેન ઇબ્રાહિમભાઈ વકાલીયા નામના 57 વર્ષીય મહિલા વાડીએથી બાઈકમાં બેસીને ઘરે જતા હતા ત્યારે રસ્તામાં તેઓ પડી જતા ઇજા થયેલ હતી જેથી તેમને મોરબીની શિવમ હોસ્પિટલે સારવાર માટે ખસેડાયા હતા
યુવાન સારવારમાં
મૂળ ઉત્તર પ્રદેશના ગોરખપુરનો અને હાલ મોરબી રહેતો દેવેન્દ્ર નાનુલાલ પ્રતાપ નામનો 21 વર્ષનો યુવાન મોરબીના મહેન્દ્રનગર પાસે બસ સ્ટેશન પાછળ આવેલ શિવમ એપાર્ટમેન્ટ સામે બીજા માટે કામ કરતો હતો ત્યાંથી પડી જતા ડાબા હાથના ભાગે ઇજા પામેલ હાલતમાં સિવિલે સારવાર માટે લાવવામાં આવ્યો હતો
મારા મારીમાં ઇજા
મોરબીના સામાકાંઠે વિસ્તારમાં રહેતા નિલેશ દિનેશભાઈ મજેઠીયા નામના 21 વર્ષના યુવાનને ડાબા પગના સાથળના ભાગે મારામારી દરમિયાન છરી લાગી ગયેલા હાલતમાં સિવિલ સારવાર માટે લાવવામાં આવ્યો હતો જે બનાવાની બી ડિવિઝન પોલીસ મથકના વાલભા ચાવડા દ્વારા નોંધ કરી આગળની તપાસ શરૂ કરાય છે
અકસ્માતમાં ઇજા
મોરબીના નવલખી રોડ યમુનાનગર વિસ્તારમાં રહેતા પ્રદીપસિંહ મંગળસિંહ રાજપુત નામનો 35 વર્ષનો યુવાન હળવદ રોડ ઉપર ઉંચી મંડળ ગામ પાસેથી જતો હતો ત્યાં તેના બાઇકને કોઈ અજાણ્યા ટ્રક ચાલકે હડફેટ લેતા પ્રદીપસિંહને ઇજા થવાથી મોરબીની ક્રિષ્ના હોસ્પિટલ ખાતે સારવાર માટે લાવવામાં આવેલ છે અને આ બનાવની તાલુકા પોલીસ મથકના જે.પી. પટેલ દ્વારા આગળની તપાસ ચલાવવામાં આવી રહી છે.
