મોરબીના પીપળી નજીક શિવપાર્ક-2 માં ઘરમાંથી 57 બોટલ દારૂ સાથે એકની ધરપકડ, એક શખ્સની શોધખોળ
Morbi Today
મોરબીમાં અયોધ્યાપૂરી અને વાવડી રોડે દારૂની બે રેડ: 21 બોટલ દારૂ સાથે બે શખ્સ પકડાયા
SHARE
JOIN OUR GROUP
મોરબીમાં અયોધ્યાપૂરી અને વાવડી રોડે દારૂની બે રેડ: 21 બોટલ દારૂ સાથે બે શખ્સ પકડાયા
મોરબી શહેરના અયોધ્યાપૂરી મેઇન રોડ પાસે આવેલ મદીના પેલેસ સામે તથા વાવડી રોડ ઉપર દારૂની જુદી જુદી બે રેડ કરવામાં આવી હતી ત્યારે કુળ મળીને 21 બોટલ દારૂ પોલીસ દ્વારા કબજે કરવામાં આવેલ છે અને હાલમાં બે શખ્સની પોલીસે ધરપકડ કરેલ છે જો કે, એક શખ્સનું નામ સામે આવેલ હોય તેને પકડવા માટે તજવીજ ચાલી રહી છે.
જાણવા મળતી માહિતી મુજબ મોરબી શહેરના અયોધ્યાપૂરી મેઇન રોડ પાસે આવેલ મદીના પેલેસ સામેની શેરીમાંથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની જુદી જુદી બ્રાન્ડની 15 બોટલો મળી આવી હતી જેથી પોલીસે 5688 રૂપિયાની કિંમતનો દારૂનો જથ્થો કબજે કર્યો હતો અને આરોપી નિજામભાઈ જુસબભાઈ કટિયા (26) રહે. અયોધ્યાપુરી રોડ મચ્છુ માતાના મંદિર સામે મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન આ શખ્સે દારૂની બોટલો વસીમ ઉર્ફે કાબરો અલીભાઈ મોવર રહે. ધ્રાંગધ્રા વાળા પાસેથી મેળવી હોવાનું સામે આવતા મોરબી એ ડિવિઝન પોલીસ સ્ટેશન ખાતે બંને શખ્સની સામે ગુનો નોંધીને પોલીસે વસીમ ઉર્ફે કાબરો મોવરને પકડવા માટે તજવીજ હાથ ધરી છે
આવી જ રીતે મોરબીના વાવડી રોડ ઉપર આવેલ નાયરાના પંપ સામે ઉમિયા સોસાયટીના ગેટ પાસેથી પસાર થઈ રહેલ શખ્સને રોકીને પોલીસ દ્વારા ચેક કરવામાં આવતા તેની પાસેથી દારૂની છ બોટલ મળી આવી હતી જેથી કરીને પોલીસે 4176 ની કિંમતનો દારૂનો જથ્થો કબજે કર્યો હતો અને આરોપી લખનભાઈ ઉર્ફે રાજુ નીતિનભાઈ ભટ્ટી (20) રહે. પ્રભુનગર મકાન નં-13 વાવડી રોડ મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધવામાં આવ્યો છે અને તેની પાસેથી મળી આવેલ દારૂની બોટલો ક્યાંથી લાવ્યો હતો તે દિશામાં પોલીસે તપાસ હાથ ધરી છે.
વૃદ્ધ સારવારમાં
મોરબીના નાનીવાવડી ગામે રહેતા હરીશભાઈ લક્ષ્મણભાઈ ભૂંભરીયા (56) ને નાની વાવડી ગામે આવેલ દશામાના મંદિર પાસે ઘરે તેના દીકરાએ માર મારતા ઈજા થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરતાં પોલીસે આગળની કાર્યવાહી કરી હતી
