મોરબીના બાદનપર ગામે રામજી મંદિરનો પ્રાણ પ્રતિષ્ઠા મહોત્સવ ઉજવાશે
Morbi Today
મોરબીમાં મુસાફરો માટે રાજકોટ સુધી ઈન્ટરસીટી અથવા ડેમુ ટ્રેન ચાલુ કરવાની માંગ
SHARE
JOIN OUR GROUP
મોરબીમાં મુસાફરો માટે રાજકોટ સુધી ઈન્ટરસીટી અથવા ડેમુ ટ્રેન ચાલુ કરવાની માંગ
મોરબી રાજકોટ વચ્ચે મુસાફરોની અવાર જવર વધુ રહે છે ત્યારે મુસાફરોની સગવડ માટે ભુજ રાજકોટ ઈન્ટરસીટી ટ્રેન અથવા ડેમ ટ્રેન ચાલુ કરવાની માંગ મોરબીમાં રહેતા આગેવાને કરેલ છે.
મોરબીમાં રહેતા રમેશ બી. રબારીએ હાલમાં રાજકોટ રેલ્વે રેન્જ વિભાગના ડી આર.એમ.ને લેખિતમાં રજૂઆત કરેલ છે જેમાં જણાવ્યુ છે કે, તાજેતરમાં ભુજ-રાજકોટ સ્પેશીયલ ટ્રેન ચાલુ કરવામાં આવેલ છે. જે ટ્રેન સ્પેશીયલ હોવાથી તેનું ભાડુ વધારે થાય છે, તેમજ આ ટ્રેન ટાઈમ ટેબલ વેપારી વર્ગ, નોકરીયાત વર્ગને અનુકુળ આવે તેમ નથી. જેથી કરીને આ ટ્રેનને ટ્રાફીક મળવો મુશ્કેલ રહેશે. આજ ટ્રેન અગાઉ ચાલુ હતી ત્યારે આ ટ્રેનને ટ્રાફીક મળેલ હતો નહી કારણ કે તેનો ટાઈમ ટેબલ યોગ્ય ન હતો. જો આ ટ્રેનનો ટાઈમ મોરબીથી રાજકોટ ઉપડવાનો સવારે ૮ થી ૯ વાગ્યાનો રાખવામાં આવે તો નોકરીયાતમ, વેપારી અને વિદ્યાર્થીઓને અનુકુળ આવે તેમ છે. તેમજ રાજકોટથી ટ્રેનનો સમય સાંજે ૬થી ૭ વાગ્યાનો રાખવામા આવે તો લોકોને લાભ મળે તેમ છે. અને આ ટ્રેન સ્પેશીયલ હોવાથી તેનું ભાડુ વધારે છે જે સામાન્ય માણસને પરવડે તેમ નથી જેથી ઈન્ટરસીટી અથવા ડેમુ ટ્રેન ચાલુ કરવામાં આવે તે જરૂરી છે. અને સિરામિક સહિતના ઉદ્યોગનું હિત ધ્યાને રાખીને લાંબા અંતરની ટ્રેન ચાલુ કરવી જોઈએ. તેવી પણ માંગ કરેલ છે.
