ટંકારાના છતર ગામે બીમારી સબબ સારવારમાં ખસેડાયેલ યુવાનનું બેભાન અવસ્થામાં જ મોત

ટંકારા તાલુકાના છતર ગામે વાડીએ રહીને મજૂરી કામ કરતા યુવાનને બીમારી સબબ તેના પત્ની સારવાર માટે ટંકારાની સરકારી હોસ્પિટલ ખાતે લઈને આવતા હતા દરમિયાન રસ્તામાં તે યુવાન બેભાન થઈ ગયો હતો અને તેને બેભાન હાલતમાં હોસ્પિટલે લઈને આવતા ફરજ પરના ડોક્ટરે તેને જોઈ તપાસીને મૃત જાહેર કર્યો હતો. આ બનાવની ટંકાર તાલુકા પોલીસને જાણ કરતા પોલીસ આગળની કાર્યવાહી હાથ ધરી છે.

જાણવા મળતી માહિતી મુજબ દાહોદ જિલ્લાના ગરબાડા તાલુકાના પાંચવડા ગામે તોરણ ફળિયાના રહેવાથી અને હાલમાં ટંકારા તાલુકાના છતર ગામે ગોવર્ધનભાઈ પટેલની વાડીએ રહીને મજૂરી કામ કરતા દીપુભાઈ મંગળાભાઈ પરમાર (37)ને બીમારી સબબ તેઓના પત્ની સંગીતાબેન સારવાર માટે લઈને ટંકારા આવી રહ્યા હતા દરમિયાન રસ્તામાં તે બેભાન થઈ જતા ટંકારાની સરકારી હોસ્પિટલ ખાતે તેને બેભાન હાલતમાં સારવાર માટે લાવ્યા હતા અને ત્યાં ફરજ પરના ડોક્ટર તેઓને જોઈ તપાસીને મૃત જાહેર કર્યા હતા અને આ બનાવની હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરેલ છે.

અકસ્માતમાં ઇજા

વાંકાનેરના ઢુવા પાસે રહેતા સાતોલા ભરતભાઈ (46) નામનો યુવાન બાઈક લઈને પાનેલી ગામે જઈ રહ્યો હતો ત્યારે રસ્તામાં બાઈક સ્લીપ થયું હતું જેથી અકસ્માત થયો હતો જે બનાવમાં ઇજા થવાથી યુવાનને સારવાર માટે હોસ્પિટલે ખસેડવામાં આવેલ છે અને આ બનાવની મોરબી તાલુકા પોલીસને જાણ કરતા પોલીસ આગળની કાર્યવાહી હાથ ધરી છે આવી જ રીતે મોરબીના ખેવારીયા ગામે રહેતા મહાદેવભાઇ રામજીભાઈ કાલરીયા (81) નામના વૃદ્ધ બાઈકમાં પાછળના ભાગે બેસીને રવાપર રોડ ઉપરથી પસાર થતા હતા ત્યારે બાઈક ઉપરથી તેઓ પડી જતા તેમને ઇજા થયેલ હતી જેથી તેને સારવાર માટે મોરબીની ખાનગી હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની એ ડિવિઝન પોલીસને જાણ કરવામાં આવી હતી.