વાંકાનેરમાં ઇકો ગાડીને ચાલાકે હડફેટે લેતા રાહદારી યુવાનને છાતી-કમરમાં ફ્રેકચર

વાંકાનેર રેલવે સ્ટેશન રોડ ઉપર આવેલ પટેલ સમાજની વાડી સામેથી યુવાન પગપાળા ચાલીને જઈ રહ્યો હતો ત્યારે ઇકો ગાડીને ચાલાકે તેને હડફેટે લેતા અકસ્માતનો બનાવ બન્યો હતો જે બનાવમાં યુવાનને છાપી અને કમરના ભાગે ફેક્ચર જેવી ઈજા થયેલ હોવાથી તેને સારવાર માટે હોસ્પિટલમાં લઈને આવ્યા હતા અને હાલમાં યુવાને ફરિયાદ નોંધાવતાં પોલીસે ઇકો ગાડીના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ વાંકાનેરના મિલ પ્લોટમાં આવેલ મિલકોલોની સોસાયટીમાં રહેતા શહેબાઝ મેહબુબભાઇ બુખારી (28)એ વાંકાનેર સિટી પોલીસ સ્ટેશન ખાતે ઇકો ગાડી નંબર જીજે 36 એફ 3796 ના ચાલક સામે ફરિયાદ નોંધાવેલ છે જેમાં તેને જણાવ્યુ છે કે, વાંકાનેરમાં રેલ્વે સ્ટેશન રોડ ઉપર આવેલ પટેલ સમાજની વાડી પાસેથી તે પગપાળા ચાલીને જતો હતો ત્યારે સામેથી આવેલ ઇકો ગાડીના ચાલકે તેને હડફેટે લેતા અકસ્માત થયો હતો જેમાં ફરીયાદી યુવાનને છાતી અને કમરના ભાગે ફેક્ચર જેવી ઈજા થયેલ છે માટે તેને સારવારમાં ખસેડાયો હતો અને ત્યારબાદ ઇજા પામેલા યુવાને નોંધાવેલ ફરિયાદ આધારે પોલીસે ઇકોના ચાલક સામે ગુનો નોંધીને આરોપીને પકડવા માટે તજવીજ રૂ કરેલ છે.