મોરબી જિલ્લાની 40 ગ્રામ પંચાયતની ચૂંટણીનાં પરિણામો જાહેર થતાં કહી ખુશી કહી ગમ જેવો માહોલ

મોરબીમાં 40 ગ્રામ પંચાયતોમાં સરપંચ અને સભ્યોને ચુંટવા માટે મતદાન કરવામાં આવ્યું હતું તે મતોની આજે જીલ્લામાં જુદાજુદા પાંચ સેન્ટર ઉપર મત ગણતરી શરૂ કરવામાં આવી હતી અને કે પછી એક પંચાયતની મતગણતરી પૂરી કરીને વિજેતા સરપંચ અને સભ્યોના નામ જાહેર કરવામાં આવતા મત ગણતરી સેન્ટર પાસે કહી ખુશી કહી ગમ જેવો માહોલ જોવા મળ્યો હતો.

મોરબી જીલ્લામાં આવેલ 40 ગ્રામ પંચાયતો જેમાંથી 27 ગ્રામ પંચાયતમાં સામાન્ય ચૂંટણી અને 13 ગ્રામ પંચાયતમાં સરપંચ અને સભ્ય માટે ચૂંટણીનું મતદાન કરવાં આવ્યું હતું અને મોરબી જિલ્લાના પાંચ તાલુકામાં સરેરાશ 79.34 ટકા જેટલું મતદાન થયું હતું અને આજે મોરબી જીલ્લામાં જુદાજુદા પાંચ તાલુકામાં અલગ અલગ સેન્ટર ઉપર મત ગણતરી કરવામાં આવી રહી છે જેમાંમોરબી તાલુકાની પંચાયતોની મતગણતરી પોલિટેકનિક કોલેજ ઘુંટુ ખાતે, માળીયા (મી) તાલુકાની પંચાયતોની મતગણતરી મોડેલ સ્કૂલ નાની બરાર ખાતે, ટંકારા તાલુકાની પંચાયતોની મતગણતરી ઓરપેટ કન્યા છાત્રાલય ખાતે, વાંકાનેર તાલુકાની પંચાયતોની મતગણતરી અમરસિંહજી હાઇસ્કુલ ખાતે તથા હળવદ તાલુકાની પંચાયતોની મતગણતરી મોડેલ સ્કૂલ હળવદ ખાતે કરવામાં આવી રહી છે અને મતગણતરી કેન્દ્રો ઉપર કોઈ બનાવ ન બને તે માટે પોલીસ દ્વારા પુરતો બંદોબસ્ત મૂકવામાં આવેલ છે અને પોસ્ટલ બેલ્ટ ગણીને એક પછી એક પંચાયતના વિજેતા સરપંચ અને સભ્યોના નામ જાહેર કરવામાં આવતા મત ગણતરી સેન્ટર પાસે કહી ખુશી કહી ગમ જેવો માહોલ જેવા મળ્યો હતો અને વિજેતા થયેલા મોટા ભાગના સરપંચોએ ગામના વિકાસમાં અને લોકોની સુખકરીમાં વધારો થાય તેવા કામ કરવાનો કોલ આપ્યો હતો.