મોરબીમાં ડિસેમ્બર મહિનામાં ઓપન ગુજરાત ડાન્સ કોમ્પીટીશન યોજાશે
મોરબીમાંથી પકડાયેલ એમડી ડ્રગ્સના ગુનામાં વધુ ત્રણ આરોપીની ધરપકડ
SHARE
મોરબીમાંથી પકડાયેલ એમડી ડ્રગ્સના ગુનામાં વધુ ત્રણ આરોપીની ધરપકડ
મોરબીના સાવસર પ્લોટ વિસ્તારમાં હોસ્પિટલ નજીકથી કાર લઈને જઈ રહેલ શખ્સ અગાઉ 28.780 ગ્રામ એમડી ડ્રગ્સ સાથે પકડાયો હતો જે ગુનાની તપાસમાં એ ડિવિઝન પોલીસની ટીમે મુંબઈના એક શખ્સ સહિત કુલ ત્રણ આરોપીની ધરપકડ કરેલ છે અને રિમાન્ડ લેવા માટે તજવીજ શરૂ કરી છે.
મોરબી એ ડિવિઝન પોલીસ સ્ટેશનની ટિમ ગત તા 16/10 ના રોજ પેટ્રોલિંગમા હતી ત્યારે સાવસર પ્લોટ વિસ્તારમાં વેદાંત દાંતની હોસ્પિટલ પાસેથી કાર નંબર જીજે 27 સી 1316 લઈને નીકળેલા શખ્સને રોકીને ચેક કરવામાં આવ્યો હતો ત્યારે તેની પાસેથી એમડી ડ્રગ્સ 28.780 ગ્રામ મળી આવ્યું હતું જેથી કરીને 2,87,000 ની કિંમતનું ડ્રગ્સ અને કાર તેમજ અન્ય મુદામાલ મળીને પોલીસે 5,35,100 ના મુદામાલ સાથે આરોપી યોગેશ રતિલાલ દસાડીયા રહે. આસોપાલવ સોસાયટી એપલ હાઈટ એપાર્ટમેન્ટ ઘુનડા રોડ મોરબી વાળાની ધરપકડ કરી હતી અને એ ડિવિઝન પોલીસ સ્ટેશન ખાતે એન.ડી.પી.એસ એકટની કલમો હેઠળ ગુનો નોંધીને પોલીસે અન્ય આરોપીઓને પકડવા માટેની તજવીજ શરૂ કરી હતી અને આ ગુનામાં પહેલા મુંબઈના દહીંસર વિસ્તારમાં રહેતા ચિરાગનું નામ સામે આવ્યું હતું જો કે, હાલમાં એ ડિવિઝન પોલીસ સ્ટેશનના પીએસઆઇ સી.એમ.કરકર અને તેની ટીમે આરોપી રિતેશ વાલમજીભાઈ કાસુન્દ્રા (40) રહે. મહાવીરનગર સોસાયટી દહીસર ઇસ્ટ મુંબઈ મૂળ રહે ઘુનડા તાલુકો ટંકારા, ચિરાગ મહેન્દ્રભાઈ શાહ (36) રહે. માનારામ મિશ્રા ચાલ રાવલપાડા દહીંસર ઇસ્ટ મુંબઈ મૂળ રહે. પ્રાતીજ હિંમતનગર અને હિમાંશુ ભરતભાઈ ભરખડા (33) રહે. રાવલપાડા બાલાજીનગર મોતી દેસાઈ ચાલ દહીસર ઇસ્ટ મુંબઈ વાળાની ધરપકડ કરે છે અને આરોપીઓના રિમાન્ડ લેવા માટેની તજવીજ હાથ ધરી છે.