મોરબીમાંથી દારૂની 16 બોટલ સાથે એક શખ્સની ધરપકડ

મોરબીના શોભેશ્વર રોડ ઉપર આવેલ મફતીયાપરા પાસે જાહેરમાં દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની નાની 16 બોટલ સાથે એક શખ્સ મળી આવ્યો હતો જેથી પોલીસે 6750 ની કિંમતના દારૂ સાથે તેની ધરપકડી કરી હતી અને તેની સામે બી ડિવિઝનમાં ગુનો નોંધીને આગળની કાર્યવાહી હાથ ધરી છે.

મોરબી બી ડિવિઝન પોલીસની ટીમ પેટ્રોલિંગમાં હતી ત્યારે મોરબીના શોભેશ્વર રોડ ઉપર આવેલ મફતિયાપરા પાસે જાહેરમાંથી પસાર થયેલ શખ્સને રોકીને પોલીસે ચેક કર્યો હતો ત્યારે તેની પાસેથી દારૂની અલગ અલગ બ્રાન્ડની નાની 16 બોટલ મળી આવી હતી જેથી પોલીસે 6,750 ની કિંમતનો દારૂનો જથ્થો કબજે કર્યો હતો અને આરોપી ઇમરાન ઉર્ફ ઇમલો સબીરભાઈ મોવર (25) રહે. શોભેશ્વર રોડ મફતીયાપર પાણીના ટાંકાની પાછળના ભાગમાં મોરબી વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.