મોરબીના રફાળેશ્વર ગામે કારખાનાના કવાર્ટરમાં ગળાફાંસો ખાઈને યુવાને કર્યો આપઘાત

મોરબીના રફાળેશ્વર ગામ પાસે આવેલ નાળિયાના કારખાનાના લેબર કવાર્ટરની અંદર રહેતા યુવાને કોઈ અગમ્ય કારણોસર પોતે પોતાની જાતે ક્વાર્ટરની અંદર ગળાફાંસો ખાઈ લીધો હતો જેથી તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આપઘાતના આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મોરબી વાંકાનેર હાઇવે રોડ પર આવેલા રફાળેશ્વર ગામ પાસે કૈલાશ નળિયાના કારખાનાના લેબર કવાર્ટરની અંદર રહેતા ધનજીભાઈ દેવાભાઈ ધુમડા (43) નામના યુવાને કોઈ અગમ્ય કારણોસર પોતે પોતાની જાતે પોતાના લેબર ક્વાર્ટરની અંદર ગળાફાંસો ખાઈ લીધો હતો જેથી તે યુવાનનું મોત નિપજ્યું હતું ત્યારબાદ તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને આ બનાવની મૃતક યુવાનના મોટાભાઈ કાનાભાઈ દેવાભાઈ ધુમડા (45) રહે. હાલ પ્રજાપતિ નળીયાના કારખાનામાં મકનસર વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે આપઘાતના બનાવની નોંધ કરી આગળની કાર્યવાહી હાથ ધરી છે અને યુવાને ક્યા કારણોસર આપઘાત કર્યો હતો તે દિશામાં આગળની તપાસ એ.એચ.પરમાર ચલાવી રહ્યા છે.