મોરબીમાં વહેલી સવારે કામ ઉપર જતા વૃદ્ધનું માર્ગ અકસ્માતમાં મોત
Morbi Today
મોરબીના લાતી પ્લોટના કારખાનામાં આગ લાગતા માલ સામાન બળીને ખાખ: મોટું નુકશાન
SHARE
JOIN OUR GROUP
મોરબીના લાતી પ્લોટના કારખાનામાં આગ લાગતા માલ સામાન બળીને ખાખ: મોટું નુકશાન
મોરબીના લાતી પ્લોટ શેરી નં 6 માં આવેલ કારખાનાની અંદર કોઈ કારણોસર બપોરના સમયે આગ લાગવાની ઘટના બની હતી જેથી ધુમાડાના ગોટેગોટા નીકળવા લાગ્યા હતા અને આ બનાવની તાત્કાલિક મહાનગરપાલિકાના વિભાગને જાણ કરતા ફાયરની ટીમ ઘટના સ્થળે દોડી આવી હતી અને આગ પર કાબુ મેળવવા માટે પાણીનો મારો શરૂ કરવામાં આવ્યો હતો. જોકે, આગ સંપૂર્ણ કાબુમાં આવી ત્યાં સુધીમાં કારખાનાની અંદર રહેલ તમામ માલ સામાન બળીને ખાખ થઈ ગયો હતો જેથી કારખાનેદારને મોટું નુકસાન થયું છે.
મોરબીના લાતી પ્લોટ શેરી નં 6 મેઈન રોડ ઉપર આવેલ વર્લ્ડ ગિફ્ટ એન્ડ શોપ નામના કારખાનામાં બીજા માળે કોઈ કારણોસર બપોરે એકાદ વાગ્યાના અરસામાં આગ લાગવાની ઘટના બની હતી અને જોત જોતામાં આગ બીજા માળ ઉપર રાખવામાં આવેલ માલસામાનના પ્રસરી ગઈ હતી જેથી કરીને આ બનાવની તાત્કાલિક કારખાનેદાર દ્વારા મહાનગરપાલિકાના ફાયર વિભાગને જાણ કરવામાં આવતા ફાયરની ટીમ ફાયર ફાયટર સાથે ઘટના સ્થળ ઉપર પહોંચી હતી અને કારખાનામાં લાગેલી આગ ઉપર પાણીનો મારો ચલાવીને આગને કાબુમાં લેવા માટેના પ્રયાસ શરૂ કર્યા હતા જોકે, કારખાનામાં લાગેલી આગ કાબુમાં આવી ત્યાં સુધીમાં કારખાનામાં રહેલ કાચો અને પાકો માલ તથા રો મટીરીયલ સહિત તમામ વસ્તુઓ બળીને ખાખ થઈ ગઈ હતી વધુમાં મળતી વિગત પ્રમાણે કારખાનાના કલર વિભાગની અંદર કોઈ કારણોસર આગ લાગી હતી અને આગ સમગ્ર કારખાનામાં પ્રસરી જવાથી કારખાનેદારને મોટું નુકસાન થયું છે
