મોરબીના જેતપર રોડ ઉપરથી ચોરાઉ બાઇક સાથે આરોપી ઝડપાયો

મોરબીના જેતપર રોડ ઉપર એસઓજીની ટિમ પેટ્રોલિંગમાં હતી ત્યારે પાવડિયારી કેનાલ પાસેથી શંકાસ્પદ હાલતમાં બાઇક લઈને એક શખ્સ નીકળ્યો હતો તેને રોકીને પોલીસે ચેક કરતાં તેની પાસે રહેલું બાઇક ચોરી કરેલ હોવાનું સામે આવ્યું હતું જેથી ચોરાઉ બાઈક સાથે તેને પકડીને પોલીસે મુદામાલ સાથે આરોપીને તાલુકા પોલીસ હવાલે કરેલ છે.

મોરબીના જેતપર રોડ ઉપર એસઓજીની ટિમ પેટ્રોલિંગમાં હતી, ત્યારે નંબર વગરન ઉ બાઇક લઈને એક શખ્સ પસાર થયો હતો જેને રોકીને પૂછપરછ કરવામાં આવી હતી ત્યારે તેની પાસેથી સંતોષકારક જવાબ મળ્યો ન હતો. અને તેની પાસે બાઈકના કાગળો ન હતા જેથી ચેસીસ નંબર આધારે પોલીસે ચેક કરતાં તે બાઈકના નંબર જીજે 12 બીસી 9121 હોવાનું સામે આવ્યું હતું અને આ બાઇક ચોરી કરીને મેળવ્યું હતું જેથી પોલીસે ઉસ્માનભાઈ કાસમશા શેખ રહે. પ્રાગપર તાલુકો રાપર વાળાની ધરપકડ કરી હતી અને તેની પાસેથી 40 હજારનું બાઇક કબ્જે કર્યું હતું. ઉલેખનીય છે કે, આ આરોપી અગાઉ અંજાર અને ભુજ પોલીસ સ્ટેશનમાં પણ ત્રણ જેટલા ચોરીના ગુનામાં પકડાયો હતો. હાલમાં ચોરાઉ બાઈક અને આરોપીને મોરબી તાલુકા પોલીસ હવાલે કરવામાં આવેલ છે.